യു.എ.ഇയില് പെരുന്നാൾ അവധി പ്രഖ്യാപിച്ചു, അവധി പുതുക്കി പ്രഖ്യാപിച്ച് മാനവ വിഭവശേഷി മന്ത്രാലയം
യു. എ.ഇ ഫെഡറല് ഗവണ്മെന്റ് ജീവനക്കാര്ക്ക് പെരുന്നാളിനുള്ള അവധി പുതുക്കി പ്രഖ്യാപിച്ചു. മാനവ വിഭവശേഷി മന്ത്രാലയം ഒമ്പത് ദിവസമായി അവധി പുതുക്കി പ്രഖ്യാപിച്ചു. ഏപ്രില് 30 മുതല് മെയ് ആറ് വരെ പെരുന്നാള് അവധിയും അത് കഴിഞ്ഞാല് ശനി, ഞായര് വാരാന്ത്യ അവധിയും ആയിരിക്കും.
മാസപ്പിറവി ഉറപ്പിക്കാന് മെയ് ഒന്നിന് യു എ ഇ ചന്ദ്രദര്ശന സമിതി യോഗം ചേരും. ജ്യോതിശാസ്ത്ര കണക്കുകൂട്ടലുകള് പ്രകാരം ഈ വര്ഷം, ഈദുല് ഫിത്വര് മെയ് രണ്ടിന് ആയിരിക്കും. സ്വകാര്യ മേഖലക്ക് നാല് ദിവസം വരെ ശമ്പളത്തോടെ അവധി ആകാം.
അതേസമയം യു.എ.ഇ പുതിയ കറൻസി നോട്ടുകൾ പുറത്തിറക്കി. പുതിയ അഞ്ച് ദിർഹം, പത്ത് ദിർഹം നോട്ടുകളാണ് യു.എ.ഇ സെൻട്രൽ ബാങ്ക് ഇന്ന് പുറത്തിറക്കിയത്. പഴയ പേപ്പർ നോട്ടുകൾക്ക് പകരം കൂടുതൽ കാലം നിലനിൽക്കുന്ന പോളിമർ ഉൽപന്നം കൊണ്ടാണ് പുതിയ കറൻസികൾ നിർമിച്ചിരിക്കുന്നത്.അനുകരിക്കാൻ കഴിയാത്ത ഉയർന്ന സുരക്ഷാ സംവിധാനങ്ങളാണ് നോട്ടിലുള്ളതെന്ന് സെൻട്രൽബാങ്ക് വ്യക്തമാക്കി.
https://www.facebook.com/Malayalivartha
