പെരുന്നാളിനെ വരവേൽക്കാൻ യുഎഇ ഒരുക്കങ്ങൾ തുടങ്ങിയിരിക്കുകയാണ്. രണ്ട് വര്‍ഷത്തെ കൊവിഡ് മഹാമാരിയ്ക്ക് ശേഷം പെരുന്നാള്‍ ആഘോഷത്തിനായി യുഎഇ അടക്കമുള്ള എല്ലാം ​ഗൾഫ് രാഷ്ട്രങ്ങളും തയ്യാറെടുപ്പുകളിലാണ്. ഈ അവസരത്തിൽ യുഎഇയിൽ വരും ദിനങ്ങളില്‍ താപനില ഉയരാൻ സാധ്യയെന്ന് മുന്നറിയിപ്പാണ് പുറത്തുവരുന്നത്. കാലാവസ്ഥാ കേന്ദ്രം ഇക്കാര്യം മുന്നറിയിപ്പിൽ വ്യക്തമാക്കി.

ഈ സാഹചര്യത്തിൽ പ്രവാസികളെല്ലാം തന്നെ അധികൃതർ പുറപ്പെടുവിക്കുന്ന മുന്നറിയിപ്പുകൾ ക‍ത്യമായി പാലിക്കുക. എത്ര ഡി​ഗ്രി സെൽഷ്യസ് ചൂടുകൂടുമെന്ന വ്യക്തമായ വിവരങ്ങളോന്നും പറത്തുവിട്ടിട്ടില്ല. നിലവിൽ മുന്നറിയിപ്പെന്നോണം മാത്രമാണ് കാലാവസ്ഥാ കേന്ദ്രത്തിന്റെ ഈ അറിയിപ്പ്. ഇത് കൂടാതെ രാജ്യത്ത് വരും ദിനങ്ങളില്‍ ഒറ്റപ്പെട്ട മഴയ്ക്ക് സാധ്യതയുണ്ടെന്ന് മുന്നറിയിപ്പ് നല്‍കിയിരുക്കുകയാണ് യുഎഇ.

ബുധന്‍ മുതല്‍ വെള്ളി വരെയുള്ള ദിനങ്ങളില്‍ രാജ്യത്തിന്റെ പടിഞ്ഞാറന്‍ പ്രദേശങ്ങളിലും, തെക്ക് ഭാഗത്തുള്ള തീരപ്രദേശങ്ങളിലും ഒറ്റപ്പെട്ട മഴയ്ക്കുള്ള സാധ്യതയാണ് കാലാവസ്ഥാ നിരീക്ഷണ കേന്ദ്രം പ്രവചിക്കുന്നത്. കൊവിഡിന് ശേഷമുള്ള പെരുന്നാൾ വളരെ ആഘോഷമാക്കാനുള്ള ഒരുക്കത്തിലാണ് യു.എ.ഇയിലെ പ്രവാസികൾ. അതിനിടയിലാണ് കാലാവസ്ഥാ കേന്ദ്രത്തിന്റെ മുന്നറിയിപ്പ്.

അതേസമയം, യുഎഇയിലെ ഫെഡറല്‍ സര്‍ക്കാര്‍ സ്ഥാപനങ്ങള്‍ക്ക് ഈദ് പ്രമാണിച്ച് ഒമ്പത് ദിവസമാണ് അവധി. സ്വകാര്യമേഖലക്ക് അഞ്ചുദിവസം മാത്രമാണ് അവധി പ്രഖ്യാപിച്ചിരിക്കുന്നത്. ഷാര്‍ജയിലും ഒമ്പത് ദിവസം ഔദ്യോഗികമായി അവധി പ്രഖ്യാപിച്ചിട്ടുണ്ട്. റമദാന്‍ 29 മുതല്‍ അവധി ആരംഭിക്കും.

കോവിഡ് നിയന്ത്രണങ്ങളില്‍ വലിയ ഇളവ് നിലവില്‍വന്ന ശേഷമുള്ള ആദ്യ പെരുന്നാള്‍ എന്ന നിലയിലാണ് ഒരാഴ്ച അവധി നല്‍കാന്‍ തീരുമാനിച്ചത്. റമദാന്‍ 29 മുതല്‍ ശവ്വാല്‍ 3 വരെയാണ് നേരത്തേ സര്‍ക്കാര്‍ സ്ഥാപനങ്ങള്‍ക്കും സ്വകാര്യമേഖലക്കും യുഎഇ അവധി പ്രഖ്യാപിച്ചത്.

എന്നാല്‍, സര്‍ക്കാര്‍ സ്ഥാപനങ്ങള്‍ക്ക് ഇത് ഒരാഴ്ചയാക്കാന്‍ യുഎഇ മന്ത്രിസഭ അനുമതി നല്‍കുകയായിരുന്നുഏപ്രില്‍ 30 മുതല്‍ മെയ് ആറ് വരെ ഔദ്യോഗിക അവധിയെങ്കിലും അടുത്തദിവസങ്ങള്‍ വാരാന്ത്യ അവധിയായതിനാല്‍ ഫലത്തില്‍ ഒമ്പത് ദിവസം സര്‍ക്കാര്‍ സ്ഥാപനങ്ങള്‍ പ്രവര്‍ത്തിക്കില്ല.

എന്നാല്‍, ഷാര്‍ജ ഈ ഒമ്പത് ദിവസവും ഔദ്യോഗിക അവധിയായി പ്രഖ്യാപിച്ചു. ഒമ്പത് ദിവസത്തെ അവധി പിന്നിട്ട് മെയ് ഒമ്പതിന് തിങ്കളാഴ്ച മാത്രമേ സര്‍ക്കാര്‍ സ്ഥാപനങ്ങള്‍ പ്രവര്‍ത്തിക്കൂ. റമദാന്‍ 30 പിന്നിട്ടാണ് പെരുന്നാള്‍ വരുന്നതെങ്കില്‍ സ്വകാര്യ സ്ഥാപനങ്ങള്‍ക്ക് തൊട്ടുമുന്നിലെ വാരാന്ത്യ അവധികള്‍ ഉള്‍പ്പെടെ തുടര്‍ച്ചയായി അഞ്ച് ദിവസം അവധി ലഭിക്കും.