ഐ.ഐ.എഫ്.എ 2022 ടെക്നിക്കല്‍‌ പുരസ്കാര വിജയികളെ പ്രഖ്യാപിച്ചു. ലോകമെമ്പാടുമുള്ള ഇന്ത്യൻ സിനിമയുടെ ഏറ്റവും വലിയ ആഘോഷത്തിന്റെ കൗണ്ട്ഡൗൺ തുടങ്ങി കഴിഞ്ഞു.ഇന്റർനാഷണൽ ഇന്ത്യൻ ഫിലിം അക്കാദമി അവാർഡ്സ്, സാങ്കേതിക പുരസ്കാര വിജയികളെ പ്രഖ്യാപിച്ചു. അബുദാബിയിലെ യാസ് ഐലൻഡിൽ 2022 മെയ് 20, 21 തീയതികളിൽ 22-ാം പതിപ്പ് നടക്കുക.

ടെക്നിക്കല്‍ അവാര്‍ഡുകള്‍- വിജയികളുടെ പട്ടിക

സര്‍ദ്ദാര്‍ ഉദ്ധം- 3 പുരസ്കാരങ്ങള്‍

1. ഛായാഗ്രാഹണം- അവിക് മുഖോപാധ്യായ്

2. എഡിറ്റിങ്- ചന്ദ്രശേഖര്‍ പ്രജാപതി

3. സ്പെഷ്യല്‍ ഇഫക്ട്സ് (വിഷ്വല്‍)- എന്‍വൈ വിഎഫ്എക്സ്വാല, എഡിറ്റ് എഫ് എക്സ് സ്റ്റുഡിയോസ്, മെയിന്‍ റോഡ് പോസ്റ്റ് റഷ്യ, സൂപ്പര്‍ 8/ ബിഒജെപി

അത്രാങ്കി റേ- 2 പുരസ്കാരങ്ങള്‍

1. കൊറിയോഗ്രഫി (ചക ചാക്)- വിജയ് ഗാംഗുലി

2. പശ്ചാത്തല സംഗീതം- എ ആര്‍ റഹ്മാന്‍

ഷേര്‍ഷാ- ഒരു അവാര്‍ഡ്

1. തിരക്കഥ- സന്ദീപ് ശ്രീവാത്സവ

ധപ്പട്- ഒരു പുരസ്കാരം

1. സംഭാഷണം- അനുഭവ് സിന്‍ഹ, മൃണ്‍മയീ ലഗൂ

താന്‍ഹജി: ദി അണ്‍സങ് വാരിയര്‍- 1 അവാര്‍ഡ്

1. സൗണ്ട്‌ സിഡൈന്‍- ലോചന്‍ കാന്‍വിന്ദെ

83- 1 അവാര്‍ഡ്

1. സൗണ്ട്‌ മിക്സിങ്- അജയ് കുമാര്‍ പിബി, മാനിക് ബത്ര.

മിഡിൽ ഈസ്റ്റിലെ ഏറ്റവും വലിയ അത്യാധുനിക ഇൻഡോർ വിനോദ വേദിയായ ഇത്തിഹാദ് അരീനയിലാണ് പരിപാടി നടക്കുന്നത്. അബുദാബിയിലെ യാസ് ദ്വീപിലെ യാസ് ബേ വാട്ടർഫ്രണ്ടിന്റെ ഭാഗമാണ് ഇത്തിഹാദ് അരീന. സാംസ്കാരിക വകുപ്പും(ഡിസിറ്റി അബുദാബി) മിറലും സഹകരിച്ചാണ് പരിപാടി സംഘടിപ്പിക്കുക.ബോളിവുഡ് സൂപ്പർതാരം സൽമാൻ ഖാനും റിതേഷ് ദേശ്‌മുഖും മനീഷ് പോളും ചേർന്നാണ് ആഗോള ഐഐഎഫ്എ അവാർഡുകൾ അവതരിപ്പിക്കുക.

ഇതിന് പുറമെ ബോളിവുഡ് സൂപ്പർതാരങ്ങളായ രൺവീർ സിംഗ് കാർത്തിക് ആര്യന്‍, സാറാ അലി ഖാന്‍, വരുണ്‍ ധവാന്‍, അനന്യ പാണ്ഡെ, ദിവ്യ ഖോസ്ല കുമാര്‍, നോറ ഫത്തേഹി എന്നിവരുടെ മിന്നുന്ന പ്രകടനങ്ങളുമുണ്ട്.ബോളിവുഡിലെ വലിയ നിര്‍മ്മാതാവും സംവിധായകനുമായ കരണ്‍ ജോഹറും നടി പരിനീതി ചോപ്രയും ചേര്‍ന്നാണ് ഐഐഎഫ്എ റോക്സ് അവതരിപ്പിക്കുക.

തനിഷ്ക് ബാഗ്ചിയുടെ പ്രകടനങ്ങളും ആസ്വാദകരെ കാത്തിരിക്കുന്നു. നേഹ കക്കാർ, ധ്വനി ഭാനുശാലി, ഗുരു രൺധാവ, ഹണി സിങ്ങ് തുടങ്ങിയവരും ഐഐഎഫ്എ റോക്‌സിൽ കലാപരിപാടികള്‍ അവതരിപ്പിക്കും. അതിവേഗം വളരുന്ന ന്യൂസ് ആന്‍ഡ് ഒപീനിയന്‍സ് പ്ലാറ്റ്ഫോമായ ലേസര്‍ ബുക്ക്സ് ന്യൂസാണ് താരപ്പൊലിമയാര്‍ന്ന ഐഐഎഫ്എ വീക്കെന്‍ഡ് അവതരിപ്പിക്കുന്നത്.