ബിൻസൽമാനെ ഞെട്ടിച്ച് യൂസുഫ് അലിയുടെ പ്രഖ്യാപനം..., സൗദിയുടെ ദേശീയ ജീവകാരുണ്യ പദ്ധതിക്ക് കോടികൾ സംഭാവന
പ്രവാസികളെ പ്രതിസന്ധിഘട്ടത്തിൽ അകമഴിഞ്ഞ് സഹായിക്കുന്ന വ്യക്തത്വത്തിനുടമയാണ് ലുലു ഗ്രൂപ്പ് ചെയര്മാനും എം.ഡിയുമായ എം.എ.യൂസുഫ് അലി. ഒരു പ്രവാസി വ്യവസായി എന്ന നിലയിൽ മാത്രമല്ല, ഒരു മലയാളി എന്ന നിലയിലും പ്രവാസികൾക്ക് അഭിമാനമാണ് അദ്ദേഹം. ഇപ്പോഴിതാ സൗദി അറേബ്യയുടെ ദേശീയ ജീവകാരുണ്യ പദ്ധതിയായ 'ഇഹ്സാന്' ചാരിറ്റിക്ക് 10 ലക്ഷം റിയാല് സംഭാവന നൽകിയിരിക്കുകയാണ് യൂസുഫ് അലി.
അതായത് ഉദേശം രണ്ട് കോടി രൂപ .ബുദ്ധമൂട്ടനുഭവിക്കുന്ന വിവിധ രാജ്യങ്ങളിലെയടക്കം ജനങ്ങള്ക്ക് സഹായമെത്തിക്കാന് സൗദി ഡാറ്റ ആന്ഡ് ആര്ട്ടിഫിഷ്യല് ഇന്റലിജന്സ് അതോറിറ്റി വികസിപ്പിച്ച ഇഹ്സാന് ഡിജിറ്റല് പ്ലാറ്റ്ഫോം വഴിയാണ് സംഭാവന നല്കിയത്.ഈ വിവരം ഇഹ്സാന് അധികൃതര് ഔദ്യോഗിക ട്വീറ്റര് ഹാന്ഡില് വഴിയാണ് വെളിപ്പെടുത്തിയത്.
ഇത്തരമൊരു ജീവകാരുണ്യ സംരംഭവുമായി കൈകോര്ത്തതില് അധികൃതര് അദ്ദേഹത്തിന് നന്ദി അറിയിച്ചു.നിര്ധനരായ കുടുംബങ്ങള്ക്ക് ഭക്ഷ്യവസ്തുക്കള് നല്കുക, പ്രായമായവര്ക്ക് പരിചരണം നല്കുക, രോഗികളെ സഹായിക്കുക, അനാഥര്ക്ക് വിദ്യാഭ്യാസവും മറ്റ് പഠന സൗകര്യങ്ങളും നല്കുക എന്നിങ്ങനെ വിവിധ ആവശ്യങ്ങള്ക്കായി സംഭാവന ചെയ്യുന്നത് 'ഇഹ്സാന്' പ്ലാറ്റ്ഫോമിലൂടെ ഇപ്പോള് ജനങ്ങള്ക്ക് എളുപ്പമാണ്.
സമൂഹത്തിലെ എല്ലാ തുറയിലുമുള്ള അര്ഹരായ ആളുകള്ക്ക് സംഭാവനകള് നല്കാന് ഇഹ്സാന് പ്ലാറ്റ്ഫോമില് സൗകര്യമുണ്ട്. രാജ്യവാസികളായ ആളുകള്ക്കാണ് വിവിധ ആവശ്യങ്ങള് ചൂണ്ടിക്കാട്ടി ആയതിലേക്ക് സംഭാവന നല്കാന് ഇതില് സൗകര്യമുണ്ട്. ഡിജിറ്റലായി സുരക്ഷിതമായ രീതിയില് തങ്ങളുടെ സംഭാവനകള് നല്കാനും അതിന്റെ പ്രവര്ത്തന പുരോഗതി നിരീക്ഷിക്കാനും വിലയിരുത്താനും ഇതിലൂടെ കഴിയുമെന്നതാണ് മറ്റൊരു സവിശേഷത.
റമദാനില് ആരംഭിച്ച ദേശീയ ക്യാമ്പയിനിലൂടെ ഇതിനകം 200 കോടി റിയാല് സമാഹരിച്ചുകഴിഞ്ഞതായി ബന്ധപ്പെട്ട വൃത്തങ്ങള് വ്യക്തമാക്കി. സൗദി ഭരണാധികാരി സല്മാന് രാജാവ് മൂന്ന് കോടി റിയാലും കീരിടാവകാശി അമീര് മുഹമ്മദ് ബിന് സല്മാന് രണ്ട് കോടി റിയാലും സംഭാവന നല്കിയാണ് ദേശീയ കാമ്ബയിന് ഉദ്ഘാടനം ചെയ്തത്.
ജീവകാരുണ്യ പ്രവര്ത്തനം വിപുലപ്പെടുത്താനുള്ള സൗദി കിരീടാവകാശിയുടെ പ്രത്യേക താല്പ്പര്യത്തിന്റെ ഭാഗമാണ് കാമ്ബയിന്. ജനകീയ പങ്കാളിത്തത്തോടെയുള്ള സാമൂഹിക വികസനമെന്നതാണ് ഊന്നല്. സാമ്പത്തിക പരാധീനത അനുഭവിക്കുന്നവരും അനാഥരും ആലംബഹീനരും രോഗികളും പ്രായാധിക്യമുള്ളവരും ആയിട്ടുള്ള 50 ലക്ഷം ആളുകള്ക്ക് ഈ കാമ്പയിനിലൂടെ ഇതുവരെ സഹായമെത്തിക്കാൻ സാധിച്ചു.
https://www.facebook.com/Malayalivartha
