പ്രവാസി മലയാളിയെ വെടിവെച്ച് കൊലപ്പെടുത്തിയ ഒമാന് പൗരന് അറസ്റ്റില്, മരിച്ച നിലയില് കണ്ടെത്തിയ കോഴിക്കോട് സ്വദേശി മൊയ്തീൻ മുപ്പത് വര്ഷമായി സലാലയിലെ സ്വകാര്യ സ്ഥാപനത്തിലെ ജീവനക്കാരൻ...!
സലാലയില് പ്രവാസി മലയാളിയെ വെടിവെച്ച് കൊലപ്പെടുത്തിയ കേസില് ഒമാന് പൗരന് അറസ്റ്റില്. ഇന്നലെയാണ് വെടിയേറ്റ് മരിച്ച നിലയില് പ്രവാസിയെ കണ്ടെത്തിയത്. കോഴിക്കോട് പേരാമ്പ്ര, ചെറുവണ്ണൂര് സ്വദേശി നിട്ടംതറമ്മല് മൊയ്തീനെ (56) കൊലപ്പെട്ടത്.
സലാലയിലെ സാദായിലുള്ള ഖദീജ പള്ളിയില് വെച്ച് രാവിലെ പത്ത് മണിയോടെയായിരുന്നു സംഭവം. ഇന്നലെ രാവിലെ പത്തിനും പതിനൊന്നിനും ഇടയ്ക്ക് പള്ളിയില് എത്തിയതായിരുന്നു മൊയ്തീന്. അല്പ സമയത്തിന് ശേഷം ഇവിടെ എത്തിയ മറ്റൊരാളാണ് അദ്ദേഹത്തെ മരണപ്പെട്ട നിലയില് കണ്ടെത്തിയത്.
മൃതദേഹത്തിന് സമീപത്ത് നിന്ന് ഒരു തോക്കും കണ്ടെത്തിയിരുന്നു.സംഭവത്തെ തുടര്ന്ന് പള്ളിയില് നമസ്കാരവും നിര്ത്തിവെച്ചിരുന്നു. കഴിഞ്ഞ മുപ്പതു വര്ഷമായി സലാലയില് പ്രവാസിയായിരുന്ന അദ്ദേഹം ഒരു സ്വകാര്യ സ്ഥാപനത്തിലെ ജീവനക്കാരനായിരുന്നു. ഭാര്യ: ആയിശ. മക്കള്: നാസര്, ബുഷ്റ, അഫ്സത്ത്.
https://www.facebook.com/Malayalivartha
