ദോഹ കോര്‍ണിഷിലെ ബലൂണ്‍ പരേഡ് കണികളെ വിസ്മയത്തിരയിലാക്കി. രാത്രി 9.30 മുതല്‍ 10.30 വരെ നീണ്ട ബലൂണ്‍ പരേഡിന് ബാന്റ് മേളവും ആവേശം പകര്‍ന്നു. ഖത്തര്‍ ടൂറിസമാണ് ദോഹ കോര്‍ണിഷില്‍ ബലൂണ്‍ പരേഡ് സംഘടിപ്പിച്ചത്.

കൂറ്റന്‍ തിമിംഗലവും, സ്രാവുകളും കാര്‍ട്ടൂണ്‍ കഥാപാത്രങ്ങളുടെ ഡിസൈനുകളിലുള്ള ബലൂൺ പരേഡ് നടന്നിരുന്നു.ഇത്തവണത്തെ ഖത്തറിന്റെ ഈദ് ആഘോഷങ്ങളിലെ പ്രധാന ആകർഷണം ആണ് ദോഹ കോർണിഷിലെ ബലൂൺ പരേഡ്. കൊവിഡ് നിയന്ത്രണങ്ങളെല്ലാം ഒഴിവാക്കിയതിന് ശേഷമുള്ള പെരുന്നാളിന്റെ എല്ലാ വൈവിധ്യങ്ങളും ആഘോഷങ്ങളുടെ ഭംഗി കൂട്ടി.

സംഗീത പരിപാടികളും നൃത്തവും വെടിക്കെട്ടും റോമിങ് ഷോകളും കാണാനും അവസരമൊരുക്കിയാണ് മേള നടന്നത്. ഫുഡ് സ്റ്റാളുകളിലെ രുചിയും കൗതുക കാഴ്ചകളും കത്താറയിലെ ഈദ് ആഘോഷങ്ങളും ഇന്നലെ അവസാനിച്ചു. കാണികളുടെ ആവേശവും കാഴ്ചയിലെ വിസ്മയവും ദോഹയിലെ ഈദ് അവധി ദിനങ്ങള്‍ ആഘോഷമാക്കുകയാണ്.

കുട്ടികളും കുടുംബങ്ങളും ബാച്‌ലർമാരും ഉൾപ്പെടെ നിരവധി പേർ കോർണിഷിലേക്ക് എത്തിയത്. ബാന്റ് മേളങ്ങളുടെ അകമ്പടിയോടെയാണ് ഭീമൻ ബലൂണുകളുടെ പരേഡ് കാണാൻ നിരവധി പേർ എത്തി.തൽസമയ സംഗീത പരിപാടികൾ, കൗതുകം നിറയ്ക്കുന്ന വെടിക്കെട്ട് പ്രദർശനം, റോമിങ് ഷോകൾ എന്നിവ കാണാനും ആസ്വദിക്കാനും പതിനായിരങ്ങളാണ് എത്തിയത്. ഗെയിം കോർണറുകളിൽ കുട്ടികളുടെയും കുടുംബങ്ങളുടെയും തിരക്കായിരുന്നു.