മൂന്നുദിവസത്തെ സന്ദർശനത്തിനായി ഖത്തറിലെത്തിയ കേന്ദ്രമന്ത്രി വി മുരളീധരനെ ആദരിച്ച് എറണാകുളം ജില്ലാ സോഷ്യൽ ഓർഗനൈസേഷൻ. ഇന്ത്യൻ കൾച്ചറൽ സെന്ററിന്റെ നേതൃത്വത്തിൽ ഐ.സി.സി അശോക ഹാളിൽ ഖത്തറിലെ വിവിധ ഇന്ത്യൻ കമ്മ്യൂണിറ്റി പ്രതിനിധികളെ അഭിസംബോധന ചെയ്യുന്ന ചടങ്ങിലാണ് മൊമെന്റോ നൽകി ആദരിച്ചത് . 

നാളെ ഏഷ്യൻ ടൗൺ ക്രിക്കറ്റ് സ്‌റ്റേഡിയത്തിൽ നടക്കുന്ന തൊഴിലാളി ദിന ആഘോഷ പരിപാടിയിലും ശ്രീ വി മുരളീധരൻ മുഖ്യഅഥിതിയായിരിക്കും. ഇന്ത്യൻ അംബാസഡർ ഡോ. ദീപക് മിത്തലും ഖത്തർ വിദേശകാര്യ മന്ത്രാലയത്തിൽ നിന്നുള്ള ഉന്നത സംഘവും ചേർന്നാണ് ഖത്തറിലെത്തിയ അദ്ദേഹത്തെ സ്വീകരിച്ചത്.

ചടങ്ങിൽ എറണാകുളം ജില്ലാ സോഷ്യൽ ഓർഗനൈസേഷനെ പ്രതിനിധീകരിച്ച് എക്സിക്യൂട്ടീവ് അംഗങ്ങളായ ജിജു ഹനീഫ് , കെ.ആർ ജയരാജ് , മഞ്ജുഷ ശ്രീജിത്ത്,ഹംസ യൂസഫ് , സന്തോഷ് ഇടയത്ത്, രാജേഷ് എം . ജി, മനോജ് കലാനിലയം , അബു താഹിർ , മാത്യു എന്നിവർ പങ്കെടുത്തു. 2023 ൽ ഖത്തർ ഇന്ത്യ നയതന്ത്ര ബന്ധത്തിന്റെ സിൽവർ ജൂബിലി ആഘോഷിക്കാനിരിക്കെയാണ് കേന്ദ്ര വിദേശ കാര്യസഹമന്ത്രി ഖത്തർ സന്ദർശിക്കുന്നത്.