പുതിയ സമഗ്രസൗരോർജ പദ്ധതിയുമായി അബുദാബി. ഒന്നരലക്ഷം വീടുകളിലേക്ക് വൈദ്യുതിയെത്തിക്കുന്ന 1500 മെഗാവാട്ട് ശേഷിയുള്ള പദ്ധതിയാണിത്. വേൾഡ് യൂട്ടിലിറ്റീസ് കോൺഗ്രസിന്റെ ഭാഗമായി എമിറേറ്റ്സ് വാട്ടർ ആൻഡ്‌ ഇലക്‌ട്രിസിറ്റി കമ്പനി (ഇ.ഡബ്ള്യു.ഇ.സി.) മുതിർന്ന ഉദ്യോഗസ്ഥരാണ് ഇക്കാര്യമറിയിച്ചത്.

160,000 വീടുകളിലേക്ക് വൈദ്യുതിയെത്തിക്കാൻ പുതിയ പദ്ധതിയിലൂടെ സാധിക്കും. അബുദാബി അജ്‌ബാനിലുള്ള പദ്ധതിയിലേക്ക് സോളാർ ഫോട്ടോവോൾടൈക് പവർ സംവിധാനത്തിന്റെ നിർമാണത്തിനും നടത്തിപ്പിനുമായുള്ള ഡെവലപ്പർമാരെയും, സംയുക്ത സംവിധാനങ്ങളെയും ക്ഷണിക്കുന്നതായും കമ്പനി പ്രതിനിധികൾ വ്യക്തമാക്കി.

അതേസമയം, വിനോദസഞ്ചാരികളെ ആകർഷിക്കാൻ വേണ്ടി പുതിയ പദ്ധതികൾ തയ്യാറാക്കിയിരിക്കുകയാണ് അബുദാബി. വേനൽകാലത്ത് മരുഭൂമിയിലെ സാധ്യതകൾ പരമാവധി ഉപയോഗിക്കുന്ന തരത്തിൽ ആണ് പുതിയ പദ്ധതികൾ . വിനോദസഞ്ചാരികളെ ആകർഷിക്കുന്ന തരത്തിലാണ് സമ്മർ പാസുമായി അബുദാബി എത്തിയിരിക്കുന്നത്.

സമ്മർ പാസുമായി പ്രവേശിക്കാൻ സാധിക്കുന്ന തീം പാർക്കുകളുടേയും മറ്റു സാംസ്കാരിക കേന്ദ്രങ്ങളുടേയും എണ്ണം അബുദാബി പുറത്തുവിട്ടു. വാർണർ ബ്രോസ് വേൾഡ്, ഫെറാറി വേൾഡ്, യാസ് വാട്ടർവേൾഡ് എന്നിവിടങ്ങളിലേക്ക് പ്രവേശനം നൽകുന്ന സമ്മർ പാസാണ് പുറത്തിറക്കിയത്.