ഖത്തര്‍ലേക്ക് എത്തിയ വിനോദ സഞ്ചാരികളുടെ എണ്ണത്തില്‍ വര്‍ധന. മാര്‍ച്ച് മാസത്തിലെ കണക്കുകൾ പരിശോധിച്ചപ്പോഴാണ് വിനോദ സഞ്ചാരികളുടെ എണ്ണത്തില്‍ വര്‍ധനവ് രേഖപ്പെടുത്തിയത്. ഖത്തര്‍ പ്ലാനിങ് ആന്‍ഡ് സ്റ്റാറ്റിസ്റ്റിക്‌സ് അതോറിറ്റിയാണ് കണക്ക് പുറത്തുവിട്ടത്.

മാര്‍ച്ച് മാസം 1,52,700 വിനോദസഞ്ചാരികളാണ് ഖത്തറിലെത്തിയത്. 2021 മാര്‍ച്ച് മാസത്തെ അപേക്ഷിച്ച് 2022 മാര്‍ച്ച് മാസത്തില്‍ 75.9 ശതമാനം വര്‍ധനവാണ് രേഖപ്പെടുത്തിയിരിക്കുന്നത്. ഈ വര്‍ഷം ഫെബ്രുവരിയെ അപേക്ഷിച്ച് വിനോദസഞ്ചാരികളുടെ എണ്ണത്തില്‍ 98.7 ശതമാനത്തിന്റെ വര്‍ധനയാണ് രേഖപ്പെടുത്തിയത്. ഫെബ്രുവരിയില്‍ ഇത് 76,880 ആയിരുന്നുവെന്നും പിഎസ്എ റിപ്പോര്‍ട്ടില്‍ ചൂണ്ടിക്കാട്ടുന്നു.

അതേസമയം, കോവിഡ് രൂക്ഷമായിരുന്ന 2021 മാര്‍ച്ചില്‍ 17,780 വിനോദസഞ്ചാരികള്‍ മാത്രമാണ് ഖത്തറിലെത്തിയത്. ജിസിസി രാജ്യങ്ങളില്‍ നിന്നുള്ള മാര്‍ച്ച് മാസത്തെ സന്ദര്‍ശകരുടെ എണ്ണത്തിലും വര്‍ധനയുണ്ട്. 34.5% സന്ദര്‍ശകരാണ് ഖത്തറിലെത്തിയത്. 52,691 പേരാണ് ഗള്‍ഫ് രാജ്യങ്ങളില്‍ നിന്നെത്തിയത്. ഫെബ്രുവരിയില്‍ ഇത് യഥാക്രമം 18,610 ഉം 2,670 ഉം ആയിരുന്നു.