വിമാന ടിക്കറ്റുകള് ബുക്ക് ചെയ്യാൻ പുതിയ സംവിധാനം, ബിറ്റ്കോയിന് ഉപയോഗിച്ച് ബുക്ക് ചെയ്യാവുന്ന സംവിധാനവുമായി യുഎഇ ആസ്ഥാനമായി പ്രവര്ത്തിക്കുന്ന എമിറേറ്റ്സ്...!
പ്രധാനമായും ഇന്റർനെറ്റിലൂടെയുള്ള സാമ്പത്തിക ഇടപാടുകൾക്കായി ഉപയോഗിക്കുന്ന ഡിജിറ്റൽ നാണയമാണ് ബിറ്റ്കോയിൻ.ഇവ ഉപയോഗിച്ച് ഇനി വിമാന ടിക്കറ്റുകള് ബുക്ക് ചെയ്യാൻ സാധിക്കും. എമിറേറ്റ്സ് ആണ് വിമാന ടിക്കറ്റുകള് ബിറ്റ്കോയിന് ഉപയോഗിച്ച് ബുക്ക് ചെയ്യാവുന്ന സംവിധാനം ഉടന് തുടങ്ങുന്നതത്.
യുഎഇ ആസ്ഥാനമായി പ്രവര്ത്തിക്കുന്ന എയര്ലൈന് സര്വീസാണ് എമിറേറ്റ്സ്. ബിറ്റ്കോയിന് വഴി ടിക്കറ്റ് ബുക്ക് ചെയ്യാനുള്ള സംവിധാനം നിലവില് വരുന്നുണ്ടെങ്കിലും സേവനം എപ്പോള് മുതല് യാത്രക്കാര്ക്ക് ലഭ്യമാക്കുമെന്ന് കമ്പനി ഇതുവരെ വ്യക്തമാക്കിയിട്ടില്ല. ബിറ്റ്കോയിന് ഉപയോഗിച്ചുള്ള ഇടപാടുകള്ക്ക് പുറമേ എന്എബ്ടി ട്രേഡിംഗ് പ്ലാറ്റ്ഫോം എമിറേറ്റ്സ് ഉടന് ആരംഭിക്കും.
യാത്രക്കാര്ക്ക് കൂടുതല് സൗകര്യം വര്ദ്ധിപ്പിക്കുന്നതിന്റെ ഭാഗമായി മെറ്റാവേഴ്സ് തുടങ്ങിയ സേവനങ്ങള് ഉടന് അവതരിപ്പിക്കുമെന്ന് എമിറേറ്റ്സ് ഇതിനകം അറിയിച്ചിട്ടുണ്ടായിരുന്നു.ബിറ്റ്കോയിൻ ലോഹ നിർമ്മിതമായ നാണയമോ കടലാസ് നോട്ടോ അല്ല. കമ്പ്യൂട്ടർ ഭാഷയിൽ തയ്യാറാക്കിയിരിക്കുന്ന ഒരു പ്രോഗ്രാം അല്ലെങ്കിൽ അല്ലെങ്കിൽ സോഫ്റ്റ്വെയർ കോഡാണ്.
എൻക്രിപ്ഷൻ സാങ്കേതികവിദ്യ ഉപയോഗിക്കുന്നതിനാൽ ഇവയെ 'ക്രിപ്റ്റോ കറൻസി' എന്നും വിളിക്കാറുണ്ട്. ഇടനിലക്കാരോ വിവിധ രാജ്യങ്ങളിലെ കേന്ദ്രബാങ്കുകളോ സർക്കാരുകളോ നിയന്ത്രിക്കാനില്ലാത്ത സ്വതന്ത്ര നാണയം എന്ന ആശയമാണ് ബിറ്റ്കോയിനിലൂടെ യാഥാർത്ഥ്യമായത്.
https://www.facebook.com/Malayalivartha
