സുരക്ഷ വര്ധിപ്പിക്കുന്നതിന് അബുദബിയില് പുതിയ നിബന്ധനകള്...! ഈ ജോലിയിലേർപ്പെടുന്നവർക്ക് ഏഴ് നിബന്ധനകൾ നിശ്ചയിച്ച് അബുദബി പൊലീസ്, സമൂഹമാധ്യമങ്ങളിലൂടെ വിശദീകരിച്ച ആ ഏഴ് നിബന്ധനകൾ ഇവയാണ്...!
അബുദബി സുരക്ഷയുടെ കാര്യത്തിൽ ഏതറ്റം വരേയും പോകാൻ തയ്യാറാണ്. ട്രാഫിക്ക് നിയമങ്ങൾ ഉൾപ്പെടെ രാജ്യത്ത് താമസിക്കുന്ന എല്ലാം പൗരൻമാരുടേയും പ്രവാസികളുടേയും, വിദേശികളുടേയും എല്ലാ തരത്തിലുള്ള സുരക്ഷയും മുൻ നിർത്തിയുള്ള നടപടികളാണ് എപ്പോഴും സ്വീകരിക്കാറുള്ളത്.
ഇപ്പോൾ ഇതാ ആഹാരം ഉള്പെടെയുള്ള സാധനങ്ങള് മോട്ടാര് ബൈക്കുകളില് വിതരണം ചെയ്യുന്നവരുടെ സുരക്ഷ വര്ധിപ്പിക്കുന്നതിന് അബുദബിയില് പുതിയ നിബന്ധനകള് ഏര്പ്പെടുത്തുന്നു. ഇതിന്റെ ഭാഗമായി മോട്ടാര് ബൈക്കുകളില് ഘടിപ്പിച്ചിട്ടുള്ള ഡെലിവറി ബോക്സുകള്ക്ക് ഏഴ് നിബന്ധനകളാണ് നിശ്ചയിച്ചിരിക്കുന്നതെന്ന് അബുദബി പൊലീസ് പറഞ്ഞു.
സമൂഹമാധ്യമങ്ങളിലൂടെ ആണ് നിബന്ധനകൾ വിശദീകരിച്ചുകൊണ്ട് അബുദബി പൊലീസ് എത്തിയത്.ഇതിൽ പറഞ്ഞിരിക്കുന്ന ഏഴ് നിബന്ധനകൾ വിശദമായി നോക്കാം....
1. പെട്ടിയുടെ വീതിയും നീളവും ഉയരവും 50 സെന്റീമാറ്റര് ആയിരിക്കണം.
2. ബോക്സ് തുറക്കാന് ഒരു ഫ്രണ്ട് ഹാച് ഉണ്ടായിരിക്കണം.
3. അതിന്റെ അറ്റങ്ങള് പ്രതിഫലിപ്പിക്കുന്ന സ്ട്രൈപ് മെറ്റീരിയല് കൊണ്ട് മൂടിയിരിക്കണം. കാരണം മറ്റ് യാത്രക്കാര്ക്ക് ബോക്സ് പെട്ടെന്ന് കാണാന് സാധിക്കും.
4. ബോക്സ് ഫൈബര്ഗ്ലാസ് കൊണ്ട് നിര്മിച്ചതായിരിക്കണം.
5. മൂര്ചയുള്ള അരികുകള് ഉണ്ടാകരുത്.
6. ഇത് ബൈക് സാഡിലിലോ പിന്സീറ്റിലോ ഉറപ്പിച്ചിരിക്കണം.
7. ബോക്സില് എഴുതിയിരിക്കുന്നത് 20 മീറ്റര് അകലെ നിന്ന് ദൃശ്യമാകണം.
ബൈക്കുകളില് സാധനങ്ങള് വിതരണം ചെയ്യുന്നവരുടെ ട്രാഫിക് അവബോധം വര്ധിപ്പിക്കുന്നതിന് ഒന്നിലധികം വകുപ്പുകള് കൈകോര്ക്കുന്നു. കഴിഞ്ഞ വര്ഷം ഡിസംബറില്, അപകടങ്ങള് 23 ശതമാനം വര്ധിച്ചതിനാല് ഡ്രൈവര്മാരെ സംരക്ഷിക്കാന് പൊലീസ് പുതിയ നയങ്ങള് പ്രഖ്യാപിച്ചിരുന്നു.
ട്രാഫിക്ക് നിയമങ്ങൾ പാലിച്ച് നല്ല രീതിയില് ബൈക്ക് ഓടിക്കുന്ന വിതരണക്കാര്ക്ക് പ്രോത്സാഹനം നൽകുന്ന നടപടികളും സ്വീകരിക്കുന്നുണ്ട്. നല്ല രീതിയില് ബൈക്ക് ഓടിക്കുന്ന വിതരണക്കാര്ക്ക് പാരിതോഷികം നല്കുന്നുണ്ട്. എന്നാൽ ഈ വര്ഷം ആദ്യം, കോവിഡ് സുരക്ഷ സ്വീകരിക്കുന്നതിനും ട്രാഫിക് നിയമങ്ങള് പാലിക്കുന്നതിനുമായി ഡെലിവറി ചെയ്യുന്ന ബൈക്ക് ഡ്രൈവര്മാര്ക്കുള്ള പുരസ്കാരം പൊലീസ് പിന്വലിച്ച സാഹചര്യം ഉണ്ടായിരുന്നു.
https://www.facebook.com/Malayalivartha
