മാര്ഗനിര്ദ്ദേശങ്ങള് പുറത്തിറക്കി കുവൈത്ത്, ഈ വര്ഷത്തെ ഹജ്ജ് തീര്ഥാടകര്ക്കുള്ള മാര്ഗനിര്ദേശങ്ങള് കുവൈത്ത് ആരോഗ്യ മന്ത്രാലയം പുറത്തിറക്കി, പ്രധാന മാർഗ നിർദ്ദേശങ്ങൾ നോക്കാം...!
ഹജ്ജ് തീര്ഥാടകര്ക്കുള്ള ആരോഗ്യ മാര്ഗനിര്ദേശങ്ങള് കുവൈത്ത് ആരോഗ്യ മന്ത്രാലയം പുറത്തിറക്കി. ഈ വര്ഷത്തെ മാര്ഗനിര്ദേശങ്ങള് ഇവയാണ്. സൗദി അംഗീകരിച്ച കോവിഡ് വാക്സിന് രണ്ട് ഡോസെങ്കിലും സ്വീകരിച്ചിരിക്കണം.യാത്ര പുറപ്പെടുന്നതിന് 72 മണിക്കൂര് മുമ്പ് സമയപരിധിയില് പി.സി.ആര് പരിശോധന നടത്തി കോവിഡ് മുക്തി തെളിയിക്കണം.
ഹജ്ജ് കര്മങ്ങള് നിര്വഹിക്കുമ്പോള് മാസ്ക് ധരിക്കണം, കോവിഡ് ചികിത്സ ചെലവുകള് കവര് ചെയ്യുന്ന ആരോഗ്യ ഇന്ഷുറന്സ് ഉണ്ടായിരിക്കണം എന്നിവയാണ് മറ്റ് നിബന്ധനകള്. കോവിഡ് പശ്ചാത്തലത്തില് സൗദിയാണ് പ്രായ നിബന്ധന വെച്ചത്. 3,622 പേര്ക്കാണ് ഈ വര്ഷം കുവൈത്തില്നിന്ന് ഹജ്ജിന് അനുമതി നല്കുക.
കോവിഡ് പ്രതിസന്ധിക്ക മുമ്പ് ഇത് 8000 ആയിരുന്നു. ഈ വര്ഷം ഹജ്ജ് തീര്ഥാടകരുടെ ആകെ എണ്ണം പത്തു ലക്ഷമായി സൗദി പരിമിതപ്പെടുത്തിയ സാഹചര്യത്തിലാണ് കുവൈത്തിന്റെ വിഹിതവും കുറഞ്ഞത്. സഹല് ആപ്ലിക്കേഷന് വഴിയാണ് കുവൈത്ത് ഔഖാഫ് മന്ത്രാലയം ഹജ്ജിന് അപേക്ഷ സ്വീകരിക്കുന്നത്.
രാജ്യത്തെ തീര്ഥാടക ക്വോട്ടയുടെ 15 ശതമാനം കുറഞ്ഞ നിരക്കിലുള്ള ഹജ്ജ് യാത്രകള്ക്കായി നീക്കിവെച്ചിട്ടുണ്ട്.ഗര്ഭിണികള്, കുട്ടികള്, ഇന്ഫ്ലുവന്സപോലെ വിട്ടുമാറാത്ത രോഗങ്ങളുള്ളവര്, ശ്വാസകോശ സംബന്ധമായ രോഗലക്ഷണങ്ങളുള്ളവര് എന്നിവര് ഈ വര്ഷം തീര്ഥാടനം മാറ്റിവെക്കണമെന്നാണ് നിര്ദേശം.
ഇത്തവണയും ജിദ്ദയിലെയും മദീനയിലെയും വിമാനത്താവളങ്ങൾ വഴിയാണ് ഹജ്ജ് തീർഥാടകരെത്തുന്നത്. ശനിയാഴ്ച മുതൽ ഇന്ത്യയടക്കമുള്ള വിവിധ രാജ്യങ്ങളിലെ തീർഥാടകരുടെ വരവും ആരംഭിച്ചിട്ടുണ്ട്.ഹജ്ജ് സീസണിന്റെ ഭാഗമായായി സൗദിയിൽ സന്ദര്ശക വിസയിൽ എത്തുന്നവര്ക്ക് നാല് വിമാനത്താവളങ്ങളില് പ്രവേശനം വിലക്കിയിട്ടുണ്ട്.
ജിദ്ദ ഉള്പ്പടെയുള്ള വിമാനത്താവളങ്ങളില് ജൂണ് ഒമ്പത് മുതല് ഒരു മാസത്തേക്കാണ് വിലക്ക്.ജിദ്ദ, മദീന, യാമ്പു, തായിഫ് എന്നീ വിമാനത്താവളങ്ങളിലൂടെയാണ് സന്ദര്ശക വിസകളിലുള്ളവര്ക്ക് പ്രവേശനം നിരോധിക്കുന്നത്. ജൂണ് 9 മുതല് ഹജ്ജ് സീസണ് അവസാനിക്കുന്ന ജൂലൈ 9 വരെ ഈ നിരോധനം തുടരുന്നതാണ്.എന്നാല് ഇവര്ക്ക് റിയാദ് അന്താരാഷ്ട്ര വിമാനത്താവളത്തിലൂടെ സൗദി അറേബ്യയിലേക്ക് പ്രവേശിക്കാവുന്നതാണ്. പക്ഷേ വിസിറ്റ് വിസയുള്ളവരുടെ പക്കല് റൗണ്ട് ട്രിപ്പ് ടിക്കറ്റ് ഉണ്ടായിരിക്കണം.
https://www.facebook.com/Malayalivartha
