ഷാർജയിലെ സ്കൂളിൽ മുന്നറിയിപ്പില്ലാതെ ജീവനക്കാർക്ക് പിരിച്ചുവിടൽ നോട്ടീസ് നൽകി. അൽ കമാൽ അമേരിക്കൻ ഇന്‍റർനാഷനൽ സ്കൂളിൽ നിന്ന് 13 ജീവനക്കാരെയാണ് പിരിച്ചുവിട്ടിരിക്കുന്നത്. ഇതിനെതിരെ രക്ഷിതാക്കൾ ഷാർജയിലെ സ്വകാര്യ വിദ്യാഭ്യാസ അതോറിറ്റിക്ക് പരാതി നൽകി. 20ഓളം രക്ഷിതാക്കളാണ് സ്ക്കൂൾ മാനേജ്മെന്റിന്റെ നടപടിക്കെതിരെ രംഗത്തെത്തിയിരിക്കുന്നത്.

സ്ക്കൂളിൽ നടപ്പിലാക്കാൻ പോകുന്ന പുതിയ മാറ്റത്തിന്റെ ഭാഗമായാണ് പുതിയ പിരിച്ചുവിടൽ നടപടി. മാനേജ്‌മെന്‍റിന്‍റെ പുതിയ മാറ്റത്തിന്റെ ഭാഗമായ തീരുമാനത്തിനെതിരെയാണ് സ്ക്കൂളിലെ കുട്ടികളുടെ രക്ഷിതാക്കൾ രംഗത്തെത്തിയിരിക്കുന്നത്. അഡ്മിനിസ്‌ട്രേറ്റീവ് വിഭാഗത്തിൽ ജോലി ചെയ്യുന്ന ഒരു സ്റ്റാഫിനോടും ഒരു അധ്യാപകനോടു ആണ് പിരിഞ്ഞ് പോകാൻ നോട്ടീസ് നൽകിയിരിക്കുന്നത്.

ജൂലൈ ഏഴിന് പിരിഞ്ഞുപോകണമെന്നാവശ്യപ്പെട്ടാണ് ഇവർക്ക് മാനേജ്മെന്റ് നോട്ടീസ് നൽകിയിരിക്കുന്നത്.എന്നാൽ അതിനുള്ളിൽ തന്നെ വിഷയത്തിൽ വ്യക്തതവരുത്തണം എന്ന ആവശ്യമായി രക്ഷിതാക്കൾ രംഗത്തെത്തിയത്.

പിരിച്ചുവിട്ടവർ സ്ക്കൂളിന്റെ നട്ടെല്ലാണ്. അവർ ഉള്ളത് കൊണ്ട് മാത്രമാണ് കുട്ടികൾ സ്ക്കൂളിൽ വരുന്നത് അവരെ തിരിച്ചെടുക്കാനായി സ്‌കൂൾ ഉടമകളായ ബിൻ കാമിൽ ഗ്രൂപ്പിനെ സമീപിച്ചത്. തങ്ങൾക്ക് അനുകൂലമായ നിലപാട് ആണ് അധികൃതരിൽ നിന്നും പ്രതീക്ഷിക്കുന്നതായി രക്ഷിതാക്കൾ പറയുന്നു.സംഭവത്തിന്റെ സത്യാവസ്ഥ ഷാർജ പ്രൈവറ്റ് എജുക്കേഷൻ അതോറിറ്റി അന്വേഷിച്ചുവരുകയാണ്.