കണ്ണൂർ വിമാനത്താവളത്തിൽ പ്രവാസികൾക്ക് ഇ-വിസ സൗകര്യം ഏർപ്പെടുത്തി. ഇതിൽ കേന്ദ്ര ആഭ്യന്തര മന്ത്രാലയം ഉത്തരവിറക്കി കേന്ദ്രം. വിദേശ പൗരന്മാർക്കും വിനോദസഞ്ചാരികൾക്കും നിശ്ചിത കാലയളവ് ഇ-വിസ സൗകര്യം ഉപയോഗിച്ച് രാജ്യത്ത് താമസിക്കാനാകും. 156 രാജ്യങ്ങളിൽനിന്നുള്ളവർക്ക് ഇ-വിസ ഉപയോഗിച്ച് ഇന്ത്യയിൽ എത്തിച്ചേരാം.

ഇ-വിസ സൗകര്യം ഏർപ്പെടുത്താനുള്ള ഇന്റഗ്രേറ്റഡ് ചെക്‌പോസ്റ്റ് (ഐ.സി.പി.) പട്ടികയിൽ കേന്ദ്രം കണ്ണൂരിനെയും ഉൾപ്പെടുത്തുകയായരുന്നു. ഇ-വിസയിൽ എത്തുന്നവർക്കായി കണ്ണൂർ വിമാനത്താവളത്തിലെ ടെർമിനൽ കെട്ടിടത്തിൽ രണ്ടുവർഷം മുൻപുതന്നെ പ്രത്യേക കൗണ്ടർ ഉൾപ്പടെയുള്ള സൗകര്യങ്ങൾ ഒരുക്കിയിരുന്നു.

എമിഗ്രേഷൻ വിഭാഗം ആവശ്യമായ ഉദ്യോഗസ്ഥരെ നിയമിക്കുകയും ബാക്കിയുള്ള നടപടികൾ പൂർത്തിയാകുകയും ചെയ്താൽ ഇ-വിസ വഴി കണ്ണൂർ വിമാനത്താവളത്തിലും യാത്രക്കാർക്ക് എത്താൻ കഴിയും.

അതേസമയം, താൽക്കാലിക തൊഴിൽ വീസകൾക്കുള്ള റിക്രൂട്ട്‌മെന്റ് അപേക്ഷകൾ ഉൾപ്പെടെ 4 പുതിയ ഇ-സേവനങ്ങൾ കൂടി ലഭ്യമാക്കി തൊഴിൽ മന്ത്രാലയം.തൊഴിൽ മന്ത്രാലയത്തിന്റെ പുതിയ ഇ-സേവനങ്ങൾ ഇവയാണ്...1.താൽക്കാലിക തൊഴിൽ വീസകൾക്കുള്ള റിക്രൂട്ട്‌മെന്റ് അപേക്ഷകൾ 2.സർക്കാർ കരാർ സേവനം 3.സർക്കാർ-അർധസർക്കാർ സ്ഥാപനങ്ങൾക്കുള്ള ലേബർ റിക്രൂട്ട്‌മെന്റ് അപേക്ഷകൾ 4.ഖത്തർ ഫിനാൻഷ്യൽ സെന്റർ കമ്പനികൾക്കുള്ള ലേബർ റിക്രൂട്ട്‌മെന്റ്.