പ്രവാസികൾക്കൊപ്പമാണ് ഇപ്പോൾ ഭാഗ്യം പറയാതിരിക്കാൻ പറ്റില്ല. കാരണം, ബിഗ് ടിക്കറ്റ് ഉൾപ്പെടെയുള്ള നറുക്കെടുപ്പിലൂടെ ഭാഗ്യം പരീക്ഷിച്ച പ്രവാസികൾ കോടികൾ സ്വന്തമാക്കിയ വാർത്തയാണ് പുറത്തുവരുന്നത്. ഇപ്പോഴിതാ മലയാളിക്ക് ദുബൈ ഡ്യൂടി ഫ്രീ മില്ലേനിയം മില്യനയര്‍ നറുക്കെടുപ്പില്‍ ഏഴരക്കോടിയാണ് സമ്മാനമായി കിട്ടിരിക്കുന്നത്.

അബുദബിയില്‍ ജോലി ചെയ്യുന്ന തിരുവനന്തപുരം വഴുതക്കാട് സ്വദേശിയാണ് ഭാഗ്യവാൻ.അമ്പത് വയസുകാരനായ റിയാസ് കമാലുദ്ദീന്‍ എടുത്ത ടിക്കറ്റിനാണ് ഏഴരക്കോടിയിലേറെ രൂപ അതായത് 10 ലക്ഷം ഡോളർ സമ്മനമായി ലഭിച്ചത്. കഴിഞ്ഞ നാല് വര്‍ഷമായി സുഹൃത്തുക്കളെയും ബന്ധുക്കളെയും കൂട്ടി ദുബൈ ഡ്യൂടി ഫ്രീ, അബൂദബി ബിഗ് ടികറ്റ് എടുക്കുന്നുണ്ടെങ്കിലും ഇതാദ്യമായാണ് സമ്മാനം ലഭിച്ചതെന്നും സമ്മാനത്തുക തുല്യമായി പങ്കിടുമെന്നും റിയാസ് പറഞ്ഞു.

മക്കളുടെ വിദ്യാഭ്യാസത്തിനാണ് ജീവിതത്തില്‍ ഏറ്റവുമധികം പ്രാധാന്യം നല്‍കുന്നതെന്നും അതിനായും സമ്മാനത്തുക ചെലവഴിക്കുമെന്ന് അദ്ദേഹം പറഞ്ഞു.സുഹൃത്തുക്കളും ബന്ധുക്കളുമടക്കം ഒന്‍പത് പേര്‍ ചേര്‍ന്നാണ് ടിക്കറ്റ് എടുത്തത്.മേയ് 27ന് ഓണ്‍ലൈനില്‍ വാങ്ങിയ 4330 നമ്പര്‍ ടികറ്റാണ് മില്യനയര്‍ സീരീസ് 391 ലെ ഭാഗ്യം കൊണ്ടുവന്നത്.

30 വര്‍ഷമായി യുഎഇയിലുള്ള റിയാസ് കഴിഞ്ഞ 13 വര്‍ഷമായി അബുദാബിയിലെ ഏവിയേഷന്‍ കമ്പനിയില്‍ ജോലി ചെയ്യുകയാണ്.റിയാസിന്റെ ഭാര്യ ജിപ് സീന അബൂദബിയില്‍ എന്‍ജിനീയറാണ്. മൂത്തമകള്‍ അഫ്‌റ റിയാസ് ജോര്‍ജിയയില്‍ മെഡികല്‍ വിദ്യാര്‍ഥിനിയും രണ്ടാമത്തെ മകള്‍ ഫര്‍ഹ റിയാസ് അബൂദബി സണ്‍റൈസ് ഇന്‍ഗ്ലീഷ് സ്‌കൂളില്‍ പ്ലസ് ടു വിദ്യാര്‍ഥിനിയുമാണ്.