പ്രവാസികൾക്ക് സന്തോഷ വാർത്തയുമായി സൗദി അറേബ്യ. മറ്റു ഗൾഫ് രാജ്യങ്ങളിൽ ജോലി ചെയ്യുന്ന പ്രവാസികൾക്കു പ്രത്യേക സന്ദർശക വീസ ഒരുക്കിയിരിക്കുകയാണ് സൗദി അറേബ്യ. രാജ്യത്തേക്കു കൂടുതൽ വിനോദ സഞ്ചാരികളെ ‌ആകര്‍ഷിപ്പിക്കുക എന്ന ലക്ഷ്യത്തോടെയാണ് പദ്ധതി. സൗദി ടൂറിസം മന്ത്രി അഹമ്മദ് അൽ ഖത്തീബ് ഈ പദ്ധതിയെ കുറിച്ചുള്ള കൂടുതൽ വിവരങ്ങൾ പങ്കു വച്ചിട്ടുണ്ട്.

ഇതിനുള്ള നടപടികൾ അന്തിമ ഘട്ടത്തിലാണ് ഇപ്പോൾ നടക്കുന്നത് .ദിരിയ പദ്ധതിയിൽ ഈ വർഷം ബുജൈറി് പ്രദേശം തുറക്കുമെന്നും അദ്ദേഹം ചൂണ്ടികാണിച്ചു. 2019ൽ രാജ്യം ആരംഭിച്ച ടൂറിസ്റ്റ് വീസകൾ ഇപ്പോഴും നിലവിലുണ്ടെന്നും അദ്ദേഹം വ്യക്തമാക്കി. ടൂറിസം വീസയിൽ വരുന്നവർക്കു യാതൊരു നിയന്ത്രണങ്ങളുമില്ല.2030 ഓടെ രാജ്യത്തിന്റെ ജിഡിപിയിൽ ടൂറിസം മേഖലയുടെ സംഭാവന ഏകദേശം 10 % ആക്കുന്നതിനാണ് ലക്ഷ്യമിടുന്നത്.