എത്തിപ്പോയ്...ന്യൂ ജനറേഷന് പാസ്പോര്ട്ടുകള്, സെപ്റ്റംബര് മുതല് വിതരണം ചെയ്യുമെന്ന് പ്രഖ്യാപിച്ച് യുഎഇ
ന്യൂ ജനറേഷന് പാസ്പോര്ട്ടുകള് സെപ്റ്റംബര് മുതല് വിതരണം ചെയ്യുമെന്ന് യുഎഇ പ്രഖ്യാപിച്ചു. 2021ല് ആരംഭിച്ച ന്യൂ ജനറേഷന് ദേശിയ ഐഡി കാര്ഡ് പ്രൊജക്റ്റുകളുടെ ഭാഗമായാണ് ന്യൂ ജനറേഷന് പാസ്പോര്ട്ടുകള് വിതരണം ചെയ്യുന്നത്. സെപ്റ്റംബര് ഒന്ന് മുതല് വിതരണം ചെയ്യുമെന്നാണ് പ്രഖ്യാപിച്ചിരിക്കുന്നത്.
എമിറാത്തി പാസ്പോര്ട്ടിന്റെ പുതിയ പതിപ്പില് വ്യാജ നീക്കങ്ങളെ നിയന്ത്രിക്കുന്നതിനുള്ള സുരക്ഷാ സവിശേഷതകളും ഇതിലുണ്ട്. ഫെഡറല് അതോറിറ്റി ഫോര് ഐഡന്റ്റിറ്റി, സിറ്റിസണ്ഷിപ്പ്, കസ്റ്റംസ് ആന്ഡ് പോര്ട്ട് സെക്യുരിറ്റിയാണ് ഇക്കാര്യം അറിയിച്ചത്. സ്മാര്ട്ട് ഗവണ്മെന്റിലേക്കുള്ള മുന്നേറ്റം ഏകീകരിക്കാനുള്ള രാജ്യത്തിന്റെ നിര്ദ്ദേശങ്ങള്ക്ക് അനുസൃതമായാണ് ഈ സാങ്കേതിക മാറ്റം.
യുഎഇയിലെ വിവിധ സ്ഥാപനങ്ങളിലെ വ്യക്തികളുമായി ബന്ധപ്പെട്ട ബിസിനസ്സ് ചെയ്യുന്നതിനുള്ള സൗകര്യം വര്ദ്ധിപ്പിക്കാനും ജീവിത നിലവാരം മെച്ചപ്പെടുത്താനും പുതിയ നീക്കം കരുത്തേകും. യുഎഇയുടെ മുന്നിര സ്ഥാനം ശക്തിപ്പെടുത്തുന്ന ഒരു യാത്രാനുഭവം നല്കാനും ഈ പദ്ധതിയിലൂടെ ലക്ഷ്യമിടുന്നു.
https://www.facebook.com/Malayalivartha