പ്രവാസികള് ആറ് മാസത്തിനുള്ളില് തിരിച്ചെത്തിക്കോണം, നവംബര് ഒന്നാം തീയ്യതി മുതല് പുതിയ നിബന്ധന പ്രാബല്യത്തില്, ഒക്ടോബർ 31 നുള്ളിൽ കുവൈത്തിൽ എൻട്രി ആയില്ലെങ്കിൽ രാജ്യത്തിന് പുറത്ത് താമസിക്കുന്നവരുടെ ഇഖാമ റദ്ദാക്കും
പ്രവാസികള് ആറ് മാസത്തിനുള്ളില് രാജ്യത്തേക്ക് തിരിച്ചെത്തണമെന്ന നിബന്ധന കര്ശനമാക്കുകയാണ് കുവൈത്ത്. ആറ് മാസത്തിലധികം രാജ്യത്തിന് പുറത്ത് താമസിക്കുന്നവരുടെ ഇഖാമ റദ്ദാവുമെന്നാണ് കഴിഞ്ഞ ദിവസം പ്രാദേശിക മാധ്യമങ്ങള് പ്രസിദ്ധീകരിച്ച റിപ്പോര്ട്ട്. ഇത്തരത്തിൽ ആറുമാസത്തിലധികമായി പുറത്തുള്ള പ്രവാസികൾ ഒക്ടോബർ 31ന് മുമ്പ് മടങ്ങിയെത്തണമെന്നാണ് താമസകാര്യ വകുപ്പ് അറിയിച്ചിരിക്കുന്നത്.
നവംബര് ഒന്നാം തീയ്യതി മുതല് പുതിയ നിബന്ധന പ്രാബല്യത്തില് വരും. ആറുമാസ നിബന്ധന പതിനെട്ടാം നമ്പർ ഇഖാമയിലുള്ള വിദേശികൾക്ക് കൂടി ബാധകമാക്കിയ പശ്ചാത്തലത്തിലാണ് അധികൃതർ മുന്നറിയിപ്പ് നൽകിയത്. ആര്ട്ടിക്കിള് 22, 24 എന്നിവ പ്രകാരം പ്രവാസികള്ക്ക് അനുവദിക്കുന്ന ആശ്രിത, കുടുംബ വിസകള്ക്കും ഇതേ നിബന്ധന ബാധകമാക്കിയിട്ടുണ്ടെന്ന് കുവൈത്തിലെ പ്രാദേശിക മാധ്യമങ്ങള് റിപ്പോര്ട്ട് ചെയ്തിട്ടുണ്ടെങ്കിലും ഇക്കാര്യത്തില് വ്യക്തത വന്നിട്ടില്ല.
2022 മെയ് 1 മുതൽ ആണ് ആറുമാസം കണക്കാക്കുകയെന്ന് ആഭ്യന്തരമന്ത്രാലയത്തിലെ സെക്യൂരിറ്റി മീഡിയ വിഭാഗം അറിയിച്ചു. മെയ് ഒന്നിന് ശേഷം കുവൈത്തിൽ നിന്ന് പുറത്തു പോയവർ ആറുമാസം പൂർത്തിയാകുന്നതിനു മുൻപ് അഥവാ ഒക്ടോബർ 31 നുള്ളിൽ കുവൈത്തിൽ എൻട്രി ആയില്ലെങ്കിൽ താമസകാര്യ വിഭാഗത്തിന്റെ സിസ്റ്റത്തിൽ നിന്ന് റെസിഡൻസി പെർമിറ്റ് സ്വമേധയാ റദ്ദാകും. മെയ് ഒന്നിന് മുമ്പ് കുവൈത്തിൽ നിന്ന് പോയവർക്കും ഇതേ കാലയളവ് തന്നെയാണ് ബാധകമാകുക.
ഇഖാമ കാലാവധി ഉണ്ടെങ്കിൽ ഒക്ടോബർ 31 നുള്ളിൽ ഇവർക്കും തിരികെ വരാവുന്നതാണ്. കുവൈത്ത് റെസിഡൻസി നിയമപ്രകാരം വിദേശികൾക്ക് രാജ്യത്തിനു പുറത്ത് തുടർച്ചയായി താമസിക്കാവുന്ന പരമാവധി കാലയളവ് ആറുമാസമാണ്. എന്നാൽ കോവിഡിന്റെ പ്രത്യേക സാഹചര്യത്തിൽ പ്രവാസികളുടെ മടക്കയാത്ര മുടങ്ങിയ പശ്ചാത്തലത്തിൽ പ്രത്യേക മന്ത്രിസഭാ തീരുമാനത്തിലൂടെ ഈ നിയമം മരവിപ്പിച്ചിരുന്നു.
മാനുഷിക പരിഗണന മുന്നിര്ത്തി പ്രവാസികള്ക്ക് ആറ് മാസത്തിലധികം രാജ്യത്തിന് പുറത്ത് നില്ക്കാനും താമസ രേഖകള് ഓണ്ലൈനായി പുതുക്കാനും മന്ത്രിസഭ പ്രത്യേക അനുമതി നല്കിയിരുന്നു. കഴിഞ്ഞ ഡിസംബറിൽ നിയമം പുനഃസ്ഥാപിച്ചെങ്കിലും ഗാർഹിക ജോലിക്കാർക്ക് മാത്രമായിരുന്നു ബാധകമാക്കിയത്.
https://www.facebook.com/Malayalivartha