ഒമാനില് പ്രവാസി മലയാളി മരിച്ചു, മസ്കത്തിലെ സ്വകാര്യ ആശുപത്രിയില് മരണപ്പെട്ടത് കൊല്ലം സ്വദേശി
കൊല്ലം പുനലൂര് സ്വദേശിനി ഒമാനില് മരിച്ചു. ഒമാനിലെ ഇബ്രിയില് ഹൗസ് മെയ്ഡ് ആയിരുന്ന ബീന ബീവി (62) ആണ് മരിച്ചത്. മസ്കത്ത് മബേലയിലെ സ്വകാര്യ ആശുപത്രിയില് വെച്ചായിരുന്നു അന്ത്യം. പുനലൂര് മാത്ര നിരത്ത് ലക്ഷം വീട് പള്ളി കിഴക്കേതില് ഷാഹുല് ഹമീദിന്റെ ഭാര്യയാണ്. ഷംസുദ്ദീന്- സൈനബ ബീവി ദമ്പതികളുടെ മകളാണ് ബീന ബീവി. ബിസ്മി മകളാണ്. നടപടിക്രമങ്ങള് പൂര്ത്തിയാക്കി മൃതദേഹം നാട്ടിലേക്ക് കൊണ്ടുപോകും.
കഴിഞ്ഞ ദിവസം ഒമാനിലെ അല് വുസ്ത ഗവര്ണറേറ്റിലുണ്ടായ വാഹനാപകടത്തില് ഒരാള് മരിച്ചു. ശനിയാഴ്ചയാണ് അപകടം ഉണ്ടായത്. ആറ് പേര്ക്ക് പരിക്കേല്ക്കുകയും ചെയ്തിട്ടുണ്ട്. അല്-ജാസര് ഹോസ്പിറ്റലിലെ അത്യാഹിത വിഭാഗത്തില് വാഹനാപകടത്തെ തുടര്ന്ന് ഏഴുപേരെ പ്രവേശിപ്പിച്ചതായി അല്-വുസ്ത ഗവര്ണറേറ്റിലെ ജനറല് ഡയറക്ടറേറ്റ് ഓഫ് ഹെല്ത്ത് സര്വീസസ് പുറത്തിറക്കിയ പ്രസ്താവനയില് പറയുന്നു. പരിക്കേറ്റവരില് ഒരാളുടെ നില ഗുരുതരമാണെന്നും ആരോഗ്യ സേവന വിഭാഗം അറിയിച്ചിട്ടുണ്ട്.
https://www.facebook.com/Malayalivartha
