അറസ്റ്റില് നിന്ന് രക്ഷപ്പെടാന് ശ്രമം, ഷാര്ജയിൽ പ്രവാസികള് കെട്ടിടത്തിന്റെ പത്താം നിലയില് നിന്ന് വീണ് മരിച്ചു
ഷാര്ജയിൽ അറസ്റ്റില് നിന്ന് രക്ഷപ്പെടാന് ശ്രമിക്കുന്നതിനിടെ രണ്ട് പ്രവാസികള് കെട്ടിടത്തിന്റെ പത്താം നിലയില് നിന്ന് വീണ് മരിച്ചു. ആഫ്രിക്കന് സ്വദേശികളായ രണ്ടുപേര് മരിച്ചതെന്ന് ഷാര്ജ പൊലീസ് ഉദ്യോഗസ്ഥന് അറിയിച്ചു. പൊലീസ് അറസ്റ്റ് ചെയ്യാന് എത്തുന്നതില് നിന്ന് രക്ഷപ്പെടുന്നതിനായി ശ്രമിച്ചപ്പോഴാണ് ഷാര്ജയിലെ അല് നഹ്ദ പ്രദേശത്തെ കെട്ടിടത്തില് നിന്ന് വീണ് മരിച്ചതെന്ന് പൊലീസ് പറഞ്ഞു.
വെള്ളിയാഴ്ച ഒരു അപ്പാര്ട്ട്മെന്റ് കോംപ്ലക്സിന്റെ മുകളില് നിന്നാണ് ക്രിമിനല് കുറ്റകൃത്യങ്ങളില് പ്രതികളായ ഇരുവരും വീണ് മരിച്ചത്.ഇവര് രക്ഷപ്പെടാന് ശ്രമിക്കുന്നതിനും കെട്ടിടത്തില് നിന്ന് താഴേക്ക് വീഴുന്നതിനും നിരവധി സമീപവാസികള് ദൃക്സാക്ഷികളാണ്.
വീഴ്ചയുടെ ആഘാതത്തില് ഗുരുതരമായി പരിക്കേറ്റാണ് ഇവര് മരിച്ചത്. ഇവരെ ആദ്യം കുവൈത്തി ഹോസ്പിറ്റലിലും പിന്നീട് മൃതദേഹം പരിശോധനയ്ക്കായി ഫോറന്സിക് ലബോറട്ടറിയിലേക്കും മാറ്റി. പൊലീസ് ഇവരുടെ അപ്പാര്ട്ട്മെന്റില് പരിശോധന നടത്തി. അനധികൃതമായി നിരവധി പേരെ താമസിപ്പിക്കുകയും നിയമവിരുദ്ധ പ്രവര്ത്തനങ്ങള് നടത്തുകയും ചെയ്തതായി പരിശോധനയിൽ കണ്ടെത്തി.
https://www.facebook.com/Malayalivartha
