ചില യാത്രകൾ അപ്രതീക്ഷിതമായി സംഭവിക്കാം. അത് ഒരു വിദേശ യാത്രയാണെങ്കിൽ ഇത്തരം സാഹചര്യങ്ങളിൽ വേഗത്തിൽ എങ്ങനെ പാസ്സ്‌പോർട്ട് സ്വന്തമാക്കാം. ചുരുങ്ങിയ സമയത്തിനുള്ളിൽ പാസ്സ്പോർട്ടിനുള്ള അപേക്ഷ ഇനി ഓൺലൈൻ ആയി സമർപ്പിക്കാം. ‘തത്കാൽ പദ്ധതി’ പ്രകാരം പാസ്‌പോർട്ട് അപേക്ഷകൾ ഉടൻ അംഗീകരിക്കുന്നതിനുള്ള വ്യവസ്ഥകളുമായി വിദേശകാര്യ മന്ത്രാലയം രംഗത്തെത്തിയിട്ടുണ്ട്.

അടിയന്തരമായി വിദേശത്തേക്ക് യാത്ര ചെയ്യേണ്ടി വരുന്ന ആർക്കും അപേക്ഷ നൽകാനും ചുരുങ്ങിയ സമയത്തിനുള്ളിൽ പാസ്‌പോർട്ട് കൈപ്പറ്റാനും ഇതിലൂടെ സാധിക്കും. തത്കാൽ പാസ്‌പോർട്ടിന് അപേക്ഷിക്കുന്നതിന് മുമ്പ് നിങ്ങൾ അറിഞ്ഞിരിക്കേണ്ട ചില കാര്യങ്ങൾ ഉണ്ട്.ഓൺലൈനായി തത്കാൽ പാസ്‌പോർട്ടിന് അപേക്ഷിക്കുന്നതിന് എന്തൊക്കെ രേഖകൾ ആവശ്യമാണെന്ന് നോക്കാം. അപേക്ഷ സമർപ്പിക്കാൻ ഇനി പറയുന്നവയിൽ ഏതെങ്കിലും മൂന്ന് രേഖകൾ മതിയാകും.

Annexure F പ്രകാരമുള്ള വേരിഫിക്കേഷൻ സർട്ടിഫിക്കറ്റ്, വോട്ടേഴ്‌സ് ID കാർഡ്, Arms license

> റേഷൻ കാർഡ്
> ജനന സർട്ടിഫിക്കറ്റ്
> ഗ്യാസ് കണക്ഷൻ ബിൽ
> ബാങ്ക് പാസ്ബുക്ക്
> SC/ST/OBC സർട്ടിഫിക്കറ്റ്
> ഡ്രൈവിംഗ് ലൈസൻസ്
> സർവീസ് ഫോട്ടോ ഐഡന്റിറ്റി
> വിദ്യാർത്ഥിയുടെ ഐഡി കാർഡ്
> സ്വത്ത് രേഖകൾ
> പെൻഷൻ രേഖകൾ
> പാൻ കാർഡ്
> റെയിൽവേ ഐഡി
> സ്വാതന്ത്ര്യ സമര സേനാനികളുടെ ഐഡി (എന്തെങ്കിലും ഉണ്ടെങ്കിൽ)

തത്കാൽ പാസ്‌പോർട്ടിന് ഓൺലൈൻ ആയി അപേക്ഷിക്കുമ്പോൾ എങ്ങനെ ഫീസ് അടയ്ക്കണം? ഡെബിറ്റ്/ക്രെഡിറ്റ് കാർഡ്നെറ്റ് ബാങ്കിംഗ്, എസ്ബിഐ ബാങ്ക് ചലാൻ എന്നീ മാർഗ്ഗങ്ങളിലൂടെ പണം അടയ്ക്കാവുന്നതാണ്. തത്കാൽ പാസ്പോർട്ട് എങ്ങനെ ഓൺലൈൻ ആയി അപേക്ഷിക്കാമെന്ന് വിശദമായി നോക്കാം...

1. https://passportindia.gov.in/ എന്ന വെബ്സൈറ്റ് എടുക്കുക.

2. പാസ്പോർട്ട് സേവയുടെ ഔദ്യോഗിക പോർട്ടലിൽ രജിസ്റ്റർ ചെയ്യുക.
3. നിങ്ങളുടെ ഐഡിയും പാസ്‌വേഡും ഉപയോഗിച്ച് പോർട്ടലിലേക്ക് ലോഗിൻ ചെയ്യുക.
4. ഫ്രഷ്, റീ-ഇഷ്യൂ എന്നിങ്ങനെ രണ്ട് ഓപ്‌ഷനുകൾ നിങ്ങളുടെ സ്‌ക്രീനിൽ ദൃശ്യമാകും. നിങ്ങൾക്ക് വേണ്ട ഓപ്‌ഷൻ തിരഞ്ഞെടുക്കുക.
5. സ്കീം ടൈപ്പിന് കീഴിലുള്ള 'തത്കാൽ' ഓപ്ഷനിൽ ക്ലിക്ക് ചെയ്യുക.
6. അപേക്ഷാ ഫോം ഡൗൺലോഡ് ചെയ്ത് പൂരിപ്പിക്കുക.
7. ഫോം സമർപ്പിക്കുക.
8. പേയ്മെന്റ് നടപടിക്രമം പൂർത്തിയാക്കുക.
9. ഓൺലൈൻ പേയ്‌മെന്റിന്റെ രസീത് പ്രിന്റ് ഔട്ട് എടുക്കാം.
10. ശേഷം അടുത്തുള്ള പാസ്പോർട്ട് സേവന കേന്ദ്രത്തിൽ (PSK) നിങ്ങളുടെ അപ്പോയിന്റ്മെന്റ് ബുക്ക് ചെയ്യുക.