വീണ്ടും സൗദിലേക്ക് എത്തുന്ന പ്രവാസികൾക്ക് കിടിലൻ അവസരം, പഴയ ഡ്രൈവിങ് ലൈസന്സിന് പകരം പുതിയത് നേടാം, ഇതിനായി ചെയ്യേണ്ടത് ഇത്രമാത്രം
നിലവിലെ ജോലി മതിയാക്കി നാട്ടിലേക്ക് മടങ്ങാന് പ്രവാസികള്ക്ക് ഫൈനല് എക്സിറ്റ് വിസ ലഭിക്കണമെങ്കില് നിബന്ധനകളേറെയാണ്.ഇത്തരത്തിൽ ഫൈനല് എക്സിറ്റ് വിസയില് നാട്ടിലേക്ക് മടങ്ങിയശേഷം പുതിയ വിസയില് വീണ്ടും സൗദി അറേബ്യയിലേക്ക് വരുന്നവര്ക്ക് കിടിലൻ അവസരമാണ് ജവസാത്ത് ഒരുക്കിയിരിക്കുന്നത്.രാജ്യത്തേക്ക് തിരിച്ചെത്തുന്നവർക്ക് പഴയ ഡ്രൈവിങ് ലൈസന്സിന് പകരം പുതിയത് നേടാനാകുമെന്ന് ട്രാഫിക് ജനറല് ഡയറക്ടറേറ്റ് വ്യക്തമാക്കി.
ഇതിനായി ട്രാഫിക് ഓഫീസിലെത്തി പഴയ ലൈസന്സ് പുതിയ ഇഖാമ നമ്പറില് തരണമെന്ന് അപേക്ഷ നല്കിയാല് മതിയാകും.ലൈസൻസ് കാലാവധി കഴിഞ്ഞിട്ടുണ്ടെങ്കില് ആവശ്യമായ ഫീസ് അടക്കുകയും വൈദ്യപരിശോധന റിപ്പോര്ട്ട് സഹിതം അപേക്ഷ സമര്പ്പിക്കുകയും വേണം.വിസിറ്റ് വിസയില് സൗദി അറേബ്യയിലേക്ക് വരുന്നവര്ക്ക് സാധുതയുള്ള ഇന്റര്നാഷനല് ഡ്രൈവിങ് ലൈസന്സ് അല്ലെങ്കില് വിദേശ ലൈസന്സ് ഉപയോഗിച്ച് ഒരു വര്ഷത്തേക്കോ ലൈസന്സ് കാലാവധി തീരുന്ന സമയത്തേക്കോ രാജ്യത്ത് വാഹനമോടിക്കാം.
സ്വകാര്യ ഡ്രൈവിങ് ലൈസന്സിന് അപേക്ഷിക്കാന് 18 വയസ്സ് പൂര്ത്തിയായിരിക്കണം. മയക്കുമരുന്ന് ഉപയോഗത്തിനോ അവ കൈവശംവെക്കലിനോ ശിക്ഷിക്കപ്പെട്ടവര്ക്ക് ലൈസന്സ് അനുവദിക്കില്ല. വാഹനമോടിക്കുന്നതില്നിന്ന് തടസ്സപ്പെടുത്തുന്ന രോഗങ്ങള്, വൈകല്യങ്ങള് എന്നിവയുള്ളവര്ക്കും ലൈസന്സിന് അപേക്ഷിക്കാനാവില്ലെന്നും ട്രാഫിക് ജനറല് ഡയറക്ടറേറ്റ് അറിയിച്ചു.
അതേസമയം, മൊബൈല് ബില്ലുകള് ഉള്പ്പെടെ എല്ലാ സാമ്പത്തിക ഇടപാടുകളും തീര്ത്ത ശേഷമേ ഇനി ഫൈനല് എക്സിറ്റ് വിസയില് നാട്ടിലേക്ക് മടങ്ങാനാവൂ എന്ന് സൗദി ജനറല് ഡയറക്ടറേറ്റ് ഓഫ് പാസ്പോര്ട്ട്സ് വ്യക്തമാക്കിയിരുന്നു. എന്നു മാത്രമല്ല, ഈ വിസയില് രാജ്യം വിടാന് ആഗ്രഹിക്കുന്ന വ്യക്തിയുടെ പേരില് രജിസ്റ്റര് ചെയ്ത വാഹനങ്ങള് ഉണ്ടെങ്കില് അവര്ക്ക് ഫൈനല് എക്സിറ്റ് വിസ ലഭിക്കില്ല.
അതിന്റെ രജിസ്ട്രേഷന് മറ്റൊരാളിലേക്കു മാറ്റുകയോ വാഹനം മറ്റൊരാള്ക്ക് വില്ക്കുകയോ മറ്റോ ചെയ്യണം.അതോടൊപ്പം ഫൈനല് എക്സിറ്റ് വിസയ്ക്ക് അപേക്ഷ നല്കുന്ന വ്യക്തിയുടെ പേരില് നേരത്തേ ലഭിച്ച ഉപയോഗിച്ചിട്ടില്ലാത്ത മറ്റൊരു വിസ ഉണ്ടായിരിക്കാനും പാടില്ല. വിസ ഇഷ്യൂ ചെയ്യപ്പെടുന്ന ദിവസം തൊട്ട് 60 ദിവസമായിരിക്കും ഫൈനല് എക്സിറ്റ് വിസയുടെ കാലാവധി. ഈ കാലയളവിനുള്ളില് സൗദിയില് നിന്ന് പുറത്തുകടന്നിരിക്കണം എന്നും വ്യവസ്ഥയുണ്ട്.
https://www.facebook.com/Malayalivartha
