പ്രവാസികൾക്ക് വമ്പൻ സർപ്രൈസ് ഒരുക്കി സൗദി, ഇനി ആ ടെൻഷൻ വേണ്ട, സന്ദര്ശക വിസക്കാർക്ക് അടിയന്തിരഘട്ടത്തില് ഒരു ലക്ഷം റിയാല് വരെ മെഡിക്കല് ഇന്ഷുറന്സ് പരിരക്ഷ
അടുത്തിടെ കുടുംബാംഗങ്ങളെക്കൂടി ഉള്പ്പെടുത്തി സന്ദര്ശക വിസ സൗദി കൂടുതൽ വിപുലപ്പെടുത്തുന്നു എന്ന വാർത്ത പുറത്തുവന്നിരുന്നു. ഇപ്പോൾ സന്ദര്ശക വിസയില് സൗദിയിലെത്തുന്നവരുടെ അരോഗ്യ പരിരക്ഷയ്ക്ക് ഊന്നൽ നൽകുന്ന തീരുമാനം എടുത്തിരിക്കുകയാണ്. ഇത്തരത്തിൽ രാജ്യത്തെത്തുന്നവർക്ക് അടിയന്തിരഘട്ടത്തില് ഒരു ലക്ഷം റിയാല് വരെ മെഡിക്കല് ഇന്ഷുറന്സ് പരിരക്ഷ ലഭിക്കുമെന്ന് സൗദി കൗണ്സില് ഓഫ് മെഡിക്കല് ഇന്ഷുറന്സ് അറിയിച്ചു.
കുടുംബ സന്ദര്ശക വിസയില് സൗദിയിലെത്തുന്നവര്ക്ക് മെഡിക്കല് ഇന്ഷുറന്സ് നിര്ബന്ധമാണ്. ഇത്തരത്തില് സൗദിയിലെത്തുന്നവര്ക്ക് അടിയന്തര ഘട്ടത്തില് ഒരു ലക്ഷം റിയാല് വരെയുള്ള മെഡിക്കല് സഹായം ഇന്ഷുറന്സ് കമ്പനികള് അനുവദിക്കണമെന്ന് സൗദി കൗണ്സില് ഓഫ് ഹെല്ത്ത് ഇന്ഷുറന്സ് അറിയിച്ചു. സന്ദര്ശക വിസയിലെത്തുന്നവരുടെ ഇന്ഷുറന്സ് പരിരക്ഷയില് ഗര്ഭധാരണവും പ്രസവവും ഉള്പ്പെടുമെന്നുണ്ട്.
ഗര്ഭധാരണം പ്രസവം തുടങ്ങിയവയുമായി ബന്ധപ്പെട്ട അടിയന്തര ചികില്സയ്ക്ക് അയ്യായിരം റിയാല് വരെയാണ് പരമാവധി അനുവദിക്കുകയെന്നും കൗണ്സില് വിശദീകരിച്ചു. സന്ദര്ശക വിസ സ്റ്റാമ്പ് ചെയ്യുന്ന അവസരത്തിലാണ് മെഡിക്കല് ഇന്ഷുറന്സ് പോളിസിയും ഇഷ്യു ചെയ്യുന്നത്. സൗദിയിലെത്തി അബ്ഷിര് ആപ്ലിക്കേഷന് പ്രവര്ത്തിപ്പിക്കുന്നതോടെ ഇന്ഷുറനസ് പരിരക്ഷ സംബന്ധിച്ച് അറിയാന് സാധിക്കുമെന്നും അധികൃർ അറിയിച്ചു.
https://www.facebook.com/Malayalivartha
