കാമുകിയെ ഉപദ്രവിക്കുകയും അശ്ലീല ചിത്രങ്ങള് സോഷ്യല് മീഡിയയില് പോസ്റ്റ് ചെയ്യുമെന്നും ഭീഷണി, പ്രവാസി യുവാവിന് യു.എ.ഇയില് മൂന്ന് വര്ഷം തടവ്, ശിക്ഷാ കാലാവധി പൂര്ത്തിയായ ശേഷം രാജ്യത്ത് നിന്ന് നാടുകടത്തണമെന്നും ഉത്തരവിട്ട് ദുബൈ ക്രിമിനല് കോടതി...!!
പ്രവാസി യുവാവിന് യുഎഇയില് മൂന്ന് വര്ഷം ജയില് ശിക്ഷ വിധിച്ച് ദുബൈ ക്രിമിനല് കോടതി. യുവതിയെ തടഞ്ഞുവെച്ച് കവര്ച്ച നടത്തുകയും ഉപദ്രവിക്കുകയും യുവതിയുടെ അശ്ലീല ചിത്രങ്ങള് സോഷ്യല് മീഡിയയില് പോസ്റ്റ് ചെയ്യുമെന്ന് ഭീഷണിപ്പെടുത്തുകയും ചെയ്തതിനാണ് ശിക്ഷ. കഴിഞ്ഞ മേയില് നടന്ന സംഭവത്തില് വിചാരണ നടപടികള് പൂര്ത്തിയാക്കി കഴിഞ്ഞ ദിവസമാണ് കോടതി ഉത്തരവിട്ടത്.
ശിക്ഷാ കാലാവധി പൂര്ത്തിയായ ശേഷം ഇയാളെ രാജ്യത്തു നിന്ന് നാടുകടത്തണമെന്നും കോടതി ഉത്തരവിട്ടു. സംഭവം നടന്ന ദിവസം രാവിലെ കാമുകിയെ ഫോണില് വിളിച്ച് അല് ഖൂസിലെ ഒരു കൊമേഴ്സ്യല് സെന്ററില് സമീപമുള്ള റുമൈല സ്ക്വയറില് എത്താന് അപേക്ഷിച്ചു. എന്തോ പ്രശ്നമുണ്ടെന്നും തന്റെ സഹായം ആവശ്യമുണ്ടെന്നും വിചാരിച്ചാണ് പോയതെന്ന് യുവതി പറഞ്ഞു.
എന്നാല് യുവാവ് കത്തികാണിച്ച് ഭീഷണിപ്പെടുത്തി ആളൊഴിഞ്ഞ സ്ഥലത്തേക്ക് കാമുകിയെ കൊണ്ടുപോയി അവിടെ വെച്ച് മാന്യമല്ലാത്ത ചില പ്രവൃത്തികള് ചെയ്യാന് നിര്ബന്ധിച്ചു. ഇതിന് യുവതി വഴങ്ങാതെ വന്നപ്പോള് കൊല്ലുമെന്ന് ഭീഷണിപ്പെടുത്തി.തുടര്ന്ന് യുവതിയുടെ അശ്ലീല ചിത്രങ്ങള് പകര്ത്തി.ഫോട്ടോകള് ഡിലീറ്റ് ചെയ്യാന് യുവതി അപേക്ഷിച്ചെങ്കിലും പ്രതി ചെവിക്കൊണ്ടില്ല.
ഭാവിയില് താന് വിളിക്കുമ്പോള് വന്നില്ലെങ്കില് ഈ ചിത്രങ്ങള് സോഷ്യല് മീഡിയയിലൂടെ പുറത്തുവിടുമെന്ന് ഭീഷണിപ്പെടുത്തുകയും ചെയ്തു. എന്നാല് യുവതി അപ്പോള് തന്നെ പൊലീസില് റിപ്പോര്ട്ട് ചെയ്യുകയായിരുന്നു. കാമുകിയെ കത്തി കാണിട്ട് ഭീഷണിപ്പെടുത്തിയെന്നും അവരുടെ സമ്മതമില്ലാതെ ചിത്രങ്ങള് പകര്ത്തിയെന്നും വിവരമറിഞ്ഞ് ആദ്യമായെത്തിയ പൊലീസ് ഉദ്യോഗസ്ഥന് മൊഴി നല്കി.തുർന്ന് യുവിന്റെ അറസ്റ്റ് രേഖപ്പെടുത്തുകയായിരുന്നു.
https://www.facebook.com/Malayalivartha
