ഇനി ഏത് വിമാനത്താവളത്തിലും പറന്നിറങ്ങാം...!! സർവ്വസ്വാതന്ത്ര്യം...അവർക്കായി ആശ്വാസകരമായ പ്രഖ്യാപനവുമായി സൗദി ഹജജ്, ഉംറ മന്ത്രാലയം
സൗദി അറേബ്യയിലെത്തുന്ന ഉംറ തീർഥാടകർക്ക് ആശ്വാസകരമായ പ്രഖ്യാപനവുമായി സൗദി ഹജജ്, ഉംറ മന്ത്രാലയം.തീർത്ഥാടകർക്ക്
രാജ്യത്തെ ഏത് വിമാനത്താവളത്തിലും വന്നിറങ്ങാമെന്നും ഹജജ്, ഉംറ മന്ത്രാലയം അറിയിച്ചു.അന്താരാഷ്ട്ര വിമാനത്താവളവും ഡൊമസ്റ്റിക് വിമാനത്താവളങ്ങളിലും തീർത്ഥാടകർക്ക് പ്രവേശിക്കാനാകും.
തീർഥാടകർക്ക് പദ്ധതി ആസൂത്രണം ചെയ്യാനും വിസയ്ക്ക് അപേക്ഷിക്കാനും ഉംറ സേവനങ്ങൾക്കായി അംഗീകരിച്ച ഇലക്ട്രോണിക് പ്ളാറ്റ്ഫോമുകൾ ഉപയോഗിക്കാമെന്നും മന്ത്രാലയം വിശദീകരിച്ചു. തീർത്ഥാടകന് കൊറോണ വൈറസ് ബാധിച്ചിട്ടില്ലെന്നോ രോഗബാധിതനായ വ്യക്തിയുമായി ബന്ധപ്പെട്ടിട്ടുണ്ടോയെന്നോ ഉറപ്പാക്കാൻ ഉംറ സന്ദർശനത്തിന് ഇഅ്തമർന ആപ്പിൽ രേഖപ്പെടുത്തിയിരിക്കണം.
ഇഅ്തമർന ആപ്പിലെ രജിസ്ട്രേഷനും ഉംറ അനുമതിക്കും സൗദി അറേബ്യയിൽ പ്രവേശിക്കുന്നതിന് സാധുതയുള്ള വിസ ആവശ്യമാണ്.രാജ്യത്ത് ഉംറ വിസയിലുള്ള തീർഥാടകർക്ക് പരമാവധി 90 ദിവസമാണ് തങ്ങാനാവുക. അതേസമയം പുണ്യ നഗരങ്ങളായ മക്കയ്ക്കും മദീനയ്ക്കും പുറമെ സൗദിയിലെ മറ്റ് നഗരങ്ങൾക്കുമിടയിലും ഉംറ തീർത്ഥാടകർക്ക് സ്വതന്ത്രമായി സഞ്ചരിക്കാമെന്നും മന്ത്രാലയം അറിയിച്ചു.
https://www.facebook.com/Malayalivartha