ബംഗാള് ഉള്ക്കടലില് ന്യൂനമര്ദം രൂപപ്പെടാന് സാധ്യത, സംസ്ഥാനത്ത് ഇന്ന് ഒറ്റപ്പെട്ട അതിശക്തമായ മഴയ്ക്ക് സാധ്യത, രണ്ട് ജില്ലകളിൽ ഓറഞ്ച് അലര്ട്ട്, അടുത്ത 5 ദിവസവും വ്യാപകമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്...!!
സംസ്ഥാനത്ത് ഇന്ന് ഒറ്റപ്പെട്ട അതിശക്തമായ മഴയ്ക്ക് സാധ്യത. കണ്ണൂരും കാസര്ഗോഡും ഓറഞ്ച് അലര്ട്ട് ഇന്ന് പ്രഖ്യാപിച്ചിട്ടുണ്ട്. അഞ്ച് ജില്ലകളില് യെല്ലോ അലര്ട്ടാണ്. അടുത്ത 5 ദിവസം വ്യാപകമായ മഴയ്ക്കും സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ പ്രവചനം.
മണ്സൂണ് പാത്തി അതിന്റെ സാധാരണ പാതയില്നിന്നും തെക്കോട്ടു മാറി സ്ഥിതി ചെയുന്നു. കര്ണാടകയ്ക്കും സമീപപ്രദേശങ്ങള്ക്കും മുകളിലായി ചക്രവാത ചുഴി നിലനില്ക്കുന്നു. ബംഗാള് ഉള്ക്കടലിന്റെ മധ്യഭാഗത്ത് മറ്റൊരു ചക്രവാത ചുഴി നിലനില്ക്കുന്നു.
ഇതിന്റെ സ്വാധീനത്താല് അടുത്ത 12 മണിക്കൂറിനുള്ളില് മധ്യ-പടിഞ്ഞാറന് ബംഗാള് ഉള്ക്കടലില് ന്യൂനമര്ദം രൂപപ്പെടാന് സാധ്യതയുണ്ട്. മധ്യ ബംഗാള് ഉള്ക്കടലിലെ ചക്രവാതചുഴി മുതല് വടക്കന് കേരളം വരെ ഒരു ന്യൂനമര്ദപാത്തി സ്ഥിതി ചെയ്യുന്നു. ഇതിന്റെ ഫലമായാണ് കേരളത്തില് ഇന്ന് ഒറ്റപ്പെട്ട അതിശക്തമായ മഴയ്ക്കും അടുത്ത 5 ദിവസം വ്യാപകമായ മഴയ്ക്കും സാധ്യതയുള്ളത്.
https://www.facebook.com/Malayalivartha