വിസ നിയമങ്ങളിൽ ഇളവ്...! പ്രവാസികൾക്കായി ഗൾഫ് കൈകോർത്തു പിന്നാലെ ഹയ്യാ കാർഡുള്ളവർക്ക് മൾട്ടിപ്പിൾ എൻട്രി വിസ പ്രഖ്യാപിച്ച് ജോർദാനും, ഇനി ആഘോഷത്തിന്റെ നാളുകൾ
ജി.സി.സി രാജ്യങ്ങൾക്ക് പുറമെ ഹയ്യാ കാർഡുള്ളവർക്ക് മൾട്ടിപ്പിൾ എൻട്രി വിസ പ്രഖ്യാപിച്ച് ജോർദാനും രംഗത്ത്. ഖത്തര്‍ ലോകകപ്പിന്റെ ഫാന്‍ ഐഡിയാണ് ഹയ്യാകാര്‍ഡ്. നവംബര്‍ ഒന്ന് മുതല്‍ രാജ്യത്തേക്ക് പ്രവേശനത്തിനുള്ള രേഖ കൂടിയാണിത്. ഫാൻ ഐഡിയുള്ള എല്ലാ ആരാധകർക്കും ജോർദാനിലേക്ക് വിസയില്ലാതെ തന്നെ പ്രവേശിക്കാം.
ഫുട്‌ബോൾ ആരാധകരെ രാജ്യത്തേക്ക് ആകർഷിക്കുന്നതിനാണ് വിസ നിയമങ്ങളിൽ ഇളവ് നൽകുന്നതെന്ന് അധികൃതർ വ്യക്തമാക്കി.കൂടുതല്‍ ഫുട്ബോള് ആരാധകരെ സ്വാഗതം ചെയ്ത് ഖത്തര്‍. ഹയ്യാ കാര്‍ഡ് ഉള്ളവര്‍ക്ക് മത്സര ടിക്കറ്റില്ലാത്ത മൂന്ന് പേരെ ലോകകപ്പ് സമയത്ത് ഖത്തറിലേക്ക് അതിഥികളായി കൊണ്ടുവരാം. ഇതിനായി നിശ്ചിത ഫീസ് അടയ്ക്കണം.
അതുപോലെ ടിക്കറ്റുള്ളവര്‍ക്ക് മാത്രമായിരുന്നു ഹയ്യാകാര്‍ഡ് അനുവദിച്ചിരുന്നത്. അതായത് ടിക്കറ്റ് ലഭിക്കാത്ത താമസക്കാരനല്ലാത്ത ഒരാള്‍ക്ക് നവംബര്‍ ഒന്നുമുതല്‍ ഖത്തറിലേക്ക് വരാന്‍ വഴിയുണ്ടായിരുന്നില്ല. ഇപ്പോൾ പുതിയ പ്രഖ്യാപനത്തോടെ കൂടുതല്‍ ഫുട്ബോള് ആരാധകരെ സ്വാഗതം ചെയ്തിരിക്കുകയാണ് ഖത്തര്‍ .ഹയാ കാര്‍ഡ് ഉള്ള ഒരാള്‍ക്ക്, ഖത്തറിലുള്ള ആളാണെങ്കിലും പുറത്തുള്ള ആളാണെങ്കിലും മൂന്ന് പേരെ കൂടി അതിഥികളായി കൂടെക്കൂട്ടാം. ഇവര്‍ ഖത്തറിലേക്ക് വരാന്‍ നിശ്ചിത ഫീസ് അടയ്ക്കണം.
12 വയസില്‍ താഴെയുള്ള കുട്ടികളാണെങ്കില്‍ പ്രത്യേക ഫീസ് ഇല്ല. മത്സരം കാണാന്‍ കഴിയില്ലെങ്കിലും ഇവര്‍ക്ക് ഫാന്‍ സോണുകളിലേക്ക് പ്രവേശനം ലഭിക്കും. ലോകകപ്പിന്റെ അവസാവട്ട ടിക്കറ്റ് വില്‍പ്പന സമയം മുതല്‍ ഈ സംവിധാനം കൂടി ആരാധകര്‍ക്ക് ലഭ്യമായി തുടങ്ങും. മലയാളികള്‍ അടക്കമുള്ള നിരവധി ഫുട്ബോള് ആരാധകര്‍ക്ക് ലോകകപ്പ് ആവേശത്തോടൊപ്പം ചേരാനുള്ള അവസരമാണ് ഖത്തറിന്റെ വണ്‍ പ്ലസ് ത്രീ പാക്കേജ് ഒരുക്കുന്നത്.
മാത്രമല്ല ഫിഫ ലോകകപ്പ് ഫുട്ബോള് മത്സരങ്ങള്‍ കാണാനെത്തുന്നവര്‍ക്ക് ഒമാന്‍ സന്ദര്‍ശിക്കാനും അവസരം ഒരുക്കിയിട്ടുണ്ട്. ലോകകപ്പ് കാണാനുള്ള ഹയ്യാ കാര്‍ഡ് കൈവശമുള്ളവര്‍ക്ക് ഒമാനില്‍ പ്രവേശിക്കാന്‍ ഓണ്‍ലൈനായോ അല്ലെങ്കില്‍ വിമാനത്താവളം ഉള്‍പ്പെടെ രാജ്യത്തിന്റെ അതിര്‍ത്തികളില്‍ വെച്ചോ വിസ അനുവദിക്കുമെന്നും അധികൃതര്‍ അറിയിച്ചു.
ഒമാന്‍ ഹെറിറ്റേജ് ആന്റ് ടൂറിസം മന്ത്രാലയം, ഫുട്ബോള് ആരാധകര്‍ക്കായി പുതിയ പ്രഖ്യാപനം നടത്തിയത്. ലോകകപ്പ് മത്സരങ്ങള്‍ക്ക് വേദിയൊരുക്കാനുള്ള ഖത്തറിന്റെ പരിശ്രമങ്ങള്‍ക്ക് പിന്തുണയേകിക്കൊണ്ടാണ് ഒമാന്‍ ഒരുകൂട്ടം പ്രത്യേക പദ്ധതികള്‍ പ്രഖ്യാപിക്കുന്നതെന്ന് അധികൃതര്‍ അറിയിച്ചു. മസ്‍കത്തില്‍ നിന്ന് ഓള്‍ഡ് ദോഹ എയര്‍പോര്‍ട്ടിലേക്ക് ഷട്ടില്‍ വിമാന സര്‍വീസുണ്ടാകും. 99 ഒമാനി റിയാലായിരിക്കും ഈ സര്‍വീസിന് ഇക്കണോമി ക്ലാസിലെ ടിക്കറ്റ് നിരക്ക്.
ലോകകപ്പിനെത്തുന്നവര്‍ക്ക് സൗദി അറേബ്യ സന്ദര്‍ശിക്കാന്‍ അനുമതി നല്‍കുമെന്ന് സൗദി അധികൃതര്‍ നേരത്തെ തന്നെ അറിയിച്ചിരുന്നു. ഖത്തറിലേക്ക് വരുന്ന ഫുട്ബോള് ആരാധകര്‍ക്ക് മള്‍ട്ടിപ്പിള്‍ എന്‍ട്രി വിസ നല്‍കുമെന്ന് യുഎഇ അധികൃതരും പ്രഖ്യാപിച്ചിട്ടുണ്ട്.
https://www.facebook.com/Malayalivartha
