പ്രവാസകൾക്കായി എല്ലാം തിരുത്തി, ഇഖാമയുടെ കാലാവധി കഴിഞ്ഞാല് തൊഴിലുടമയുടെ സമ്മതമില്ലാതെ തന്നെ സ്പോണ്സര്ഷിപ്പ് മാറാം, സൗദിയില് പുതിയ നിയമം പ്രാബല്യത്തില്, പുതിയ സ്പോണ്സറിലേക്ക് നിലവിലെ ലെവി കുടിശിക അടയ്ക്കാതെയും മാറാനാകും
ഇഖാമയുടെ കാലാവധി കഴിഞ്ഞാല് തൊഴിലുടമയുടെ സമ്മതമില്ലാതെ തന്നെ സ്പോണ്സര്ഷിപ്പ് മാറാവുന്ന നിയമം സൗദിയില് പ്രാബല്യത്തില് വന്നിരിക്കുകയാണ്. ഇഖാമ പുതുക്കാന് തയാറാകാത്ത തൊഴിലുടമയില് നിന്ന് സ്പോണ്സര്ഷിപ്പ് മാറുമ്പോള് പഴയ ഇഖാമ കുടിശിക ഒഴിവാക്കി പുതിയ തൊഴിലുടമയിലേക്ക് മാറാന് അനുമതി നല്കുന്ന വ്യവസ്ഥയാണ് പ്രാബല്യത്തില് വന്നത്.
തൊഴിലാളികളുടെ അവകാശ സംരക്ഷണത്തിനും തൊഴില്വിപണി ക്രമീകരിക്കുന്നതിനും കാര്യക്ഷമത വര്ദ്ധിപ്പിക്കുന്നതിനുമാണ് പുതിയ നിയം. പുതിയ തൊഴിലുടമ സ്പോണ്സര്ഷിപ്പ് എടുക്കാന് തയാറാണെന്ന അപേക്ഷ അയച്ചു കഴിഞ്ഞാല് തൊഴിലാളിക്ക് തൊഴില് മന്ത്രാലയത്തിന്റെ ഖിവ പ്ലാറ്റ്ഫോമില് പ്രവേശിച്ച് പുതിയ ഓപ്ഷന് തിരഞ്ഞെടുക്കാം.
പഴയ തൊഴിലുടമ അടക്കാത്ത ഇഖാമ ഫീസ് അദ്ദേഹത്തിന്റെ മേല് തന്നെ നിലനിര്ത്തി പുതിയ തൊഴിലുടമയിലേക്ക് മാറ്റം എന്ന ഒപ്ഷനാണ് തിരഞ്ഞെടുക്കേണ്ടത്.വ്യക്തിഗത സ്ഥാപനങ്ങളിലെ തൊഴിലാളികള്ക്ക് മാത്രമായിരുന്നു നേരത്തെ ഈ ആനുകൂല്യം ബാധകമായിരുന്നതെങ്കില് ഇപ്പോള് സ്വകാര്യ മേഖലയിലെ ജീവനക്കാര്ക്കും കൂടിയാണ് ഇത് ബാധകമാകുന്നത്.
പുതിയ സ്പോണ്സറിലേക്ക് നിലവിലെ ലെവി കുടിശിക അടയ്ക്കാതെയും മാറാനാകും. വിദേശ തൊഴിലാളികളുടെ സ്പോണ്സര്ഷിപ്പ് മാറ്റം സംബന്ധമായ രണ്ടാം ഘട്ട ഭേദഗതിയിലാണ് സൗദി മാനവശേഷി സാമൂഹിക വികസന മന്ത്രാലയം ഇക്കാര്യം വ്യക്തമാക്കിയത്. ലെവി കുടിശിക ബാക്കിയുള്ളതിനാല് നിരവധി വിദേശ തൊഴിലാളികള്ക്ക് തങ്ങളുടെ നിലവിലെ സ്പോണ്സറുടെ കീഴില് ഇക്കാമ പുതുക്കാന് സാധിക്കാത്ത അവസ്ഥയുണ്ട്.
എന്നാല് ഇത്തരക്കാരായ പ്രവാസികൾക്ക് ഇനി അതിന് കാത്തുനിൽക്കേണ്ട ആവശ്യമില്ല. സ്പോണ്സര്ഷിപ്പ് മാറ്റം സംബന്ധമായ രണ്ടാം ഘട്ട ഉത്തരവ് പ്രകാരം അത്തരം തൊഴിലുടമകളില്നിന്നും പുതിയ തൊഴിലുടമയിലേക്ക് മാറാന് ലെവി കുടിശിക അടക്കേണ്ടതില്ല. മറിച്ച് പഴയ സ്പോണ്സറുടെ പേരില് ലെവി തുക അടച്ചുവീടാനുള്ള ബാധ്യത നില നില്ക്കുകയും ചെയ്യും.തൊഴിലാളികളുടെ അവകാശ സംരക്ഷണത്തിനൊപ്പം തൊഴില്വിപണി ക്രമീകരിക്കുകയും കാര്യക്ഷമത വര്ധിപ്പിക്കുന്നതി ന്റേയും ഭാഗമായാണ് പുതിയ നടപടി.
എന്ന് മുതലാണോ പുതിയ സ്പോണ്സറിലേക്ക് തൊഴിലാളി മാറിയത്, ആ ദിവസം മുതലുള്ള ലെവി മാത്രമെ പുതിയ സ്പോണ്സറുടെ ബാധ്യതയായി വരികയുള്ളൂ. പുതിയ തൊഴിലുടമയിലേക്ക് മാറുവാന് വിദേശ തൊഴിലാളി സമ്മതവും തൊഴിലുടമ സ്വീകരിക്കാന് തയ്യാറുമാണെങ്കില് ആദ്യം ഇതിനായി പുതിയ തൊഴിലുടമ അപേക്ഷ സമര്പ്പിക്കണം. തൊഴില്മന്ത്രാലയത്തിന്റെ ഖിവ പ്ളാറ്റ്ഫോം വഴി പുതിയ ഓപ്ഷന് തെരഞ്ഞെടുത്ത് പഴയ തൊഴിലുടമയുടെ ലെവി ബാധ്യത നിലനിര്ത്തി പുതിയ തൊഴിലുടമയിലേക്ക് ഇഖാമ മാറ്റം തെരഞ്ഞെടുക്കുകയാണ് ചെയ്യേണ്ടത്.
https://www.facebook.com/Malayalivartha
