ബിഗ് ടിക്കറ്റിന്റെ വാരാന്ത്യ നറുക്കെടുപ്പിൽ 65 ലക്ഷം രൂപ സ്വന്തമാക്കി മലയാളി. ഖത്തറിൽ ജോലി ചെയ്യുന്ന രാകേഷ് ശശിധരനു ഓണസമ്മാനമായി 3 ലക്ഷം ദിർഹം (65 ലക്ഷം രൂപ) ലഭിച്ചത്. സുഹൃത്തുക്കളുമായി ചേർന്ന് എടുത്ത ടിക്കറ്റിലാണ് ഭാഗ്യം കൈവന്നത്. സമ്മാനത്തുക ആനുപാതികമായി വീതിക്കുമെന്നു റീട്ടെയ്ൽ വ്യാപാരമേഖലയിൽ ജോലി ചെയ്യുന്ന രാകേഷ് പറഞ്ഞു. മകളുടെ വിദ്യാഭ്യാസത്തിനായി തുക മാറ്റിവയ്ക്കുമെന്നും പറഞ്ഞു.