കുവൈത്ത്-തിരുവനന്തപുരം റൂട്ടിലേക്ക് യാത്രചെയ്യുന്ന പ്രവാസികൾക്ക് ഇനി ജസീറ എയര്‍വേസിലും യാത്ര ചെയ്യാം. ക്ടോബര്‍ 30 മുതല്‍ ജസീറ എയര്‍വേസ് സര്‍വീസ് ആഴ്ചയില്‍ ഞായര്‍, ചൊവ്വ ദിവസങ്ങളിൽ സർവ്വീസ് ആരംഭിക്കും. ഈ ദിവസങ്ങളിൽ രണ്ട് സര്‍വീസുകളാണുണ്ടാകുക. ആദ്യമായാണ് തിരുവനന്തപുരത്തേക്ക് ജസീറ എയര്‍വേസ് സര്‍വിസ് ആരംഭിക്കുന്നത്. കുവൈത്തിലെ തിരുവനന്തപുരത്തനിന്നുള്ള പ്രവാസികള്‍ക്ക് ഇത് ഉപകാരപ്രദമാകും.

കുവൈത്തില്‍നിന്ന് വൈകീട്ട് 6.25ന് പുറപ്പെട്ട് തിരുവനന്തപുരത്ത് അടുത്ത ദിവസം വെളുപ്പിന് 2.05 ന് എത്തും. തിരുവനന്തപുരത്തുനിന്ന് വെളുപ്പിന് 2.50ന് പുറപ്പെട്ട് കുവൈത്തില്‍ 5.55ന് എത്തും. ബംഗളൂരുവിലേക്കും വ്യാഴം, ശനി എന്നിങ്ങനെ രണ്ട് ഷെഡ്യൂള്‍ ആരംഭിക്കുന്നുണ്ട്. നിലവില്‍ തിരുവനന്തപുരത്തേക്കും ബംഗളൂരുവിലേക്കും നേരിട്ട് കുവൈത്ത് എയര്‍വേസും സര്‍വീസ് നടത്തുന്നുണ്ട്. പുതിയ സേവനങ്ങളിലൂടെ ഇന്ത്യയിലേക്ക് സേവനം വ്യാപിപ്പിക്കുന്നതില്‍ സന്തോഷമുണ്ടെന്ന് ചീഫ് എക്‌സിക്യൂട്ടിവ് ഓഫിസര്‍ രോഹിത് രാമചന്ദ്രന്‍ പറഞ്ഞു.