അവധികഴിഞ്ഞ് തിരിച്ചെത്തി നാലാം ദിവസം, സൗദി അറേബ്യയില് ഹൃദയാഘാതത്തെ തുടര്ന്ന് പ്രവാസി മരിച്ചു
സൗദി അറേബ്യയില് ഹൃദയാഘാതത്തെ തുടര്ന്ന് പ്രവാസി മരിച്ചു. നാട്ടില് നിന്ന് അവധികഴിഞ്ഞ് തിരിച്ചെത്തിയ കൊല്ലം ആദിനാട് സ്വദേശി അനില്കുമാറാണ് മരിച്ചത്. നാട്ടില് നിന്ന് തിരിച്ചെത്തി നാലാം ദിവസമാണ് മരണം സംഭവിച്ചത്. നെഞ്ചുവേദനയുണ്ടായ ഉടന് വാദി ജനറല് ആശുപത്രിയില് പ്രവേശിപ്പിച്ചെങ്കിലും രക്ഷിക്കാനായില്ല.
വാദി ദവാസിറിലെ ഇന്ഡസ്ട്രിയല് സിറ്റിയില് കാര് വര്ക്ക്ഷോപ്പില് മെക്കാനിക്കായിരുന്നു. ഭാര്യയും എട്ടു വയസ്സായ മകനുമുണ്ട്. മൃതദേഹം മോര്ച്ചറിയില് സൂക്ഷിച്ചിരിക്കുകയാണ്. നടപടിക്രമങ്ങള് പൂര്ത്തിയാക്കി നാട്ടില് കൊണ്ടുപോകും.
അതുപോലെ റിയാദില് പ്രവാസി നിര്യാതനായി. ആലപ്പുഴ പുന്നപ്ര സ്വദേശി വടക്കേ തട്ടത്തുപറമ്പില് ബിജു വിശ്വനാഥന് (47) ആണ് മരണപ്പെട്ടത്.റിയാദിലെ റൗദയില് ടോപ്പ് ഓഫ് വേള്ഡ് എന്ന കമ്പനിയില് ആറ് മാസമായി ഇലക്ട്രീഷ്യന് ആയി ജോലി ചെയ്യുകയായിരുന്നു. ഭാര്യ: ബബിത, മകള് മേഘ. മൃതദേഹം നാട്ടില് അയക്കുന്നതിനുള്ള പ്രവര്ത്തനങ്ങള്ക്ക് കേളി ജീവകാരുണ്യ കമ്മറ്റി രംഗത്തുണ്ട്.
https://www.facebook.com/Malayalivartha
