യു.എ.ഇയിലെ പുതിയ വിസ ചട്ടം ഒക്ടോബർ മൂന്ന് മുതൽ നിലവിൽ വന്നു കഴിഞ്ഞു. കൂടുതല്‍ ലളിതമായ വിസ, പാസ്‍പോര്‍ട്ട് സേവനങ്ങളാണ് ഇതിലൂടെ യു.എ.ഇ അധികൃതര്‍ ലക്ഷ്യമിടുന്നത്. പല തരത്തിലുള്ള വിസിറ്റ് വിസകൾ ആണ് യുഎഇ പുറത്തിറക്കിയിരിക്കുന്നത്. സിംഗിള്‍, മള്‍ട്ടിപ്പിള്‍ എന്‍ട്രി സൗകര്യമുള്ള വിസകൾ ലഭ്യമാണ്. ഇപ്പോൾ യു.എ.ഇയിൽ 60 ദിവസത്തെ വിസ വീണ്ടും അനുവദിച്ച് തുടങ്ങി.

നേരത്തെ നിർത്തിവെച്ചിരുന്ന വിസയാണ് ആവശ്യക്കാർക്ക് വീണ്ടും ലഭിച്ചു തുടങ്ങിയത്. 90 ദിവസത്തെ ടൂറിസ്റ്റ് വിസ നിർത്തലാക്കിയതിന് പിന്നാലെയാണ് 60 ദിവസ വിസ അനുവദിച്ചു കൊണ്ടുള്ള യുഎഇയുടെ ഈ നടപടി.60 ദിവസത്തെ വിസ ദീർഘിപ്പിക്കാൻ കഴിയില്ല. എന്നാൽ, 30 ദിവസത്തെ വിസ ആവശ്യമെങ്കിൽ നീട്ടാൻ കഴിയും. രക്ഷിതാക്കൾക്കൊപ്പം എത്തുന്ന കുട്ടികൾക്ക് ഒരു മാസത്തെ സന്ദർശക വിസ സൗജന്യമാക്കിയത് ഇപ്പോഴും തുടരുന്നുണ്ട്.

എന്നാൽ, രണ്ട് മാസം വിസയെടുക്കുന്നവർക്ക് ഈ സൗജന്യം ലഭിക്കില്ല. 60 ദിവസ വിസയിൽ ഗ്രേസ് പിരീഡും കാണിക്കുന്നില്ല. സാധാരണ സന്ദർശക വിസക്ക് 10 ദിവസം ഗ്രേസ്പിരീഡ് ലഭിക്കാറുണ്ട്. എന്നാൽ, വരും ദിവസങ്ങളിൽ ഇതിൽ മാറ്റങ്ങളുണ്ടാകുമെന്നാണ് കരുതുന്നു.

യു.എ.ഇയിൽ വിസ നടപടികളിൽ കാര്യമായ മാറ്റങ്ങളാണുണ്ടായതിൽ 90 ദിവസ ടൂറിസ്റ്റ്വിസ നിർത്തലാക്കിയതാണ് ഇതിൽ ഏറ്റവും പ്രധാനം. എന്നാൽ, ചികിൽസക്ക്എത്തുന്നവർക്ക് 90 ദിവസത്തെ വിസ ലഭിക്കും. ഇതിന്‍റെ മാനദണ്ഡങ്ങൾ എന്താണ് എന്നത് സംബന്ധിച്ച് കൃത്യമായ വിവരങ്ങൾ പുറത്തുവന്നിട്ടില്ല. നിലവിൽ 90 ദിവസ വിസയിൽ യു.എ.ഇയിൽ എത്തിയവർക്കും വിസ അടിച്ച് വരാനിരിക്കുന്നവർക്കും പുതിയ ചട്ടം ബാധകമല്ല.‌‌

അതുപോലെ തൊഴിലന്വേഷിച്ച്വരുന്നവർക്ക്പുതിയ 'ജോബ് എക്സ്പ്ലറേഷൻ വിസ' നടപ്പിലാക്കിത്തുടങ്ങിയിട്ടുണ്ട്. നേരത്തെ പലരും ജോലിയന്വേഷിച്ച്വന്നിരുന്നത് ടൂറിസ്റ്റ് വിസയിലാണ്. തൊഴിലന്വേഷകർക്കുള്ള പുതിയ വിസ 60, 90, 120ദിവസങ്ങളിലേക്ക് ലഭിക്കും. കൂടുതൽ പേർക്ക് ഗോൾഡൻ വിസ അനുവദിക്കാനും തീരുമാനിച്ചിട്ടുണ്ട്.

ദുബായിൽ താമസിക്കുന്ന ആളുകളുടെ ഫാമിലി സ്‍പോണ്‍സര്‍ഷിപ്പ് നിബന്ധനയിലും ചെറിയ മാറ്റം വരുത്തിയിട്ടുണ്ട്. ആണ്‍ മക്കളെ 25 വയസ് വരെ സ്വന്തം സ്‍പോണ്‍സര്‍ഷിപ്പില്‍ കൂടെ താമസിക്കാൻ സാധിക്കും. നേരത്തെ 18 വയസായിരുന്നു പ്രായ പരിധി. അതേസമയം, അവിവാഹിതരായ പെണ്‍മക്കളെ പ്രായപരിധിയില്ലാതെ സ്വന്തം സ്‍പോണ്‍സര്‍ഷിപ്പില്‍ താമസിക്കാൻ സാധിക്കും.

ഗ്രീന്‍ റെസിഡന്‍സ് എടുത്താൽ അടുത്ത ബന്ധുക്കളേയും സ്‍പോണ്‍സര്‍ഷിപ്പില്‍ കൊണ്ടുവരാൻ സാധിക്കും. അതുപോലെ ദുബായിൽ ഗോള്‍ഡന്‍ വിസാ സംവിധാനത്തിൽ ചില മാറ്റം വന്നിട്ടുണ്ട്. മിനിമം മാസ ശമ്പളം 50,000 ദിര്‍ഹത്തില്‍ നിന്ന് 30,000 ദിര്‍ഹമാക്കി അധികൃതർ കുറച്ചിട്ടുണ്ട്. കൂടാതെ ഗോൾഡൻ വിസക്ക് അപേക്ഷിക്കുന്ന ചില കാറ്റകറികളും പ്രഖ്യാപിച്ചിട്ടുണ്ട്.