പ്രവാസികൾ അറിഞ്ഞോ? തൊഴിൽ കരാര് ഈ സന്ദർഭങ്ങളിൽ റദ്ദാക്കും...! തൊഴില് കരാര് റദ്ദാക്കാന് അനുവാദമുള്ള അത്തരം സന്ദര്ഭങ്ങൾ ഏതെല്ലാമാണെന്ന് പരിശോധിക്കാം....
അടുത്ത കാലത്തായി യുഎഇയില് നിലവില് വന്ന തൊഴില് നിയമം ഏറെ ശ്രദ്ധിക്കപ്പെട്ടിരുന്നു. തൊഴിലാളികള്ക്ക് കൂടുതല് അവകാശങ്ങള് അനുവദിച്ച് നല്കുന്നതും അവരുടെ തൊഴില് സംരക്ഷണം ഉറപ്പുവരുത്തുന്നതുമാണ് പുതിയ തൊഴില് നിയമത്തിലെ ഏറ്റവും പ്രധാന സവിശേഷത. ഇതുപ്രകാരം നിയമപരമായ നടപടിക്രമങ്ങള് പാലിച്ച് കൊണ്ടുമാത്രമേ തൊഴിലാളിയുമായുള്ള തൊഴില് കരാര് റദ്ദാക്കാന് തൊഴിലുടമയ്ക്ക് പുതിയ നിയമം അനുവാദം നല്കുന്നുള്ളൂ.
അല്ലാത്ത രീതിയില് കരാര് റദ്ദാക്കിയാല് അത് ഏകപക്ഷീയമായി പരിഗണിക്കപ്പെടും. എന്നാൽ തൊഴിലാളിക്കോ തൊഴിലുടമയ്ക്കോ നിയമവിധേയമായി തൊഴില് കരാറില് നിന്ന് പിന്മാറാന് അധികാരമുണ്ടായിരിക്കും. അതിന് മുമ്പ് നിശ്ചിത സമയം നോട്ടീസ് കാലാവധി നല്കിയിരിക്കണം. തൊഴിലുടമയ്ക്കെതിരേ മനുഷ്യവിഭവ എമിററ്റൈസേഷന് മന്ത്രാലയത്തില് ന്യായമായ എന്തെങ്കിലും പരാതി നല്കി എന്നതിനാലോ കോടതിയില് കേസ് നല്കിയതിനാലോ ജിവക്കാരനെ പിരിച്ചുവിടാന് തൊഴിലുടമയ്ക്ക് അനുവാദം ഉണ്ടായിരിക്കില്ല. അങ്ങനെ ചെയ്താല് അത് നിയമ വിരുദ്ധമായി പ്രഖ്യാപിക്കപ്പെടും.
സ്വകാര്യ മേഖലയിലെ ലേബര് നിയമങ്ങളുമായി ബന്ധപ്പെട്ട 2021ലെ മുപ്പത്തി മൂന്നാം നമ്പര് ഫെഡറല് നിയമത്തിലെ ആര്ട്ടിക്ക്ള് 42 പ്രകാരം തൊഴിലാളുകളുമായുള്ള തൊഴില് കരാര് റദ്ദാക്കാന് അനുവാദമുള്ള ഏതാനും സന്ദര്ഭങ്ങളുണ്ട്. അവ ഏതെല്ലാമാണെന്ന് പരിശോധിക്കാം.
തൊഴിലുടമ, തൊഴിലാളി ഈ രണ്ടിലൊരാള് തൊഴില് കരാര് അവസാനിപ്പിക്കാന് ആഗ്രഹിക്കുന്ന പക്ഷം, ഇങ്ങനെ കരാര് റദ്ദാക്കുമ്പോള് പാലിക്കേണ്ട നിബന്ധനകള് പാലിക്കണമെന്ന് വ്യവസ്ഥയുണ്ട്. അതോടൊപ്പം നോട്ടീസ് പിരീയഡ് നല്കുകയും വേണം.
തൊഴിലുടമയുടെ മരണം സംഭവിക്കുന്ന പക്ഷം അതോടെ തൊഴില് കരാര് റദ്ദാകും. തൊഴിലുടമ ഉള്ള കാലം വരെയാണ് കരാര് ഉണ്ടാക്കിയിരിക്കുന്നത് എന്നെങ്കിലാണിത്.
തൊഴില് കരാറിന്റെ കാലാവധി അവസാനിക്കുകയും അത് നീട്ടുകയോ പുതുക്കുകയോ ചെയ്യാതിരിക്കുകയും ചെയ്യുന്ന സന്ദര്ഭം.
യുഎഇയിലെ നിലവിലുള്ള നിയമപ്രകാരം ഒരു സ്ഥാപനം എന്നെന്നേക്കുമായി അടച്ചുപൂട്ടപ്പെടുന്ന സാഹചര്യത്തിലും ആ സ്ഥാപനത്തില് ജോലി ചെയ്യുന്ന ജീവനക്കാരുമായുള്ള കരാര് സ്ഥാപന ഉടമയ്ക്ക് അവസാനിപ്പിക്കാനാവും.
കരാര് അവസാനിപ്പിക്കാന് തൊഴിലുടമയും തൊഴിലാളിയും തമ്മില് രേഖാ മൂലമുള്ള ഉഭയകക്ഷി സമ്മത പ്രകാരം കരാര് അവസാനിപ്പിക്കാം.
തൊഴിലാളിയുടെ മരണം സംഭവിക്കുകയോ ശാശ്വതവും സമ്പൂര്ണവുമായ ശാരീരിക വൈകല്യം കാരണം ജോലി ചെയ്യാന് കഴിയതിരിക്കുകയോ ചെയ്യുന്ന പക്ഷവും തൊഴില് കരാര് റദ്ദാക്കാം. ഭിന്നശേഷിത്വം തെളിയിക്കാന് ഏതെങ്കിലും മെഡിക്കല് സ്ഥാപനം നല്കിയ സര്ട്ടിഫിക്കറ്റ് ഹാജരാക്കണം.
തെങ്കിലും തൊഴിലാളിക്കെതിരേ മൂന്നു മാസമോ അതില് കൂടുതലോ കാലം തടവിന് ശിക്ഷിച്ചു കൊണ്ട് അന്തിമ കോടതി വിധി പുറപ്പെടുവിക്കുന്ന കേസുകളിലും തൊഴിലുടമയ്ക്ക് അയാളുമായുള്ള തൊഴില് കരാര് റദ്ദാക്കാം.
തൊഴിലുടമയുടെ നിയന്ത്രണത്തില് അല്ലാത്ത ഏതെങ്കിലും കാരണത്താല് ജീവനക്കാരനുമായുള്ള തൊഴില് കരാര് പുതുക്കാന് കഴിയാത്ത സാഹചര്യമുണ്ടായാലും കരാര് അവസാനിപ്പിക്കുന്നതില് തെറ്റില്ല.
തൊഴിലുടമ പാപ്പരായി മാറുകയോ അല്ലെങ്കില് ഏതെങ്കിലും പ്രത്യേക കാരണത്താല് പദ്ധതിയുമായി മുന്നോട്ടുപോവാന് സാധിക്കാത്ത സ്ഥിതി വരികയോ ചെയ്താലും കരാര് അവസാനിപ്പിക്കാം.
ഇത്തരം സന്ദർഭങ്ങളിൽ മാത്രമാകും തൊഴില് കരാര് റദ്ദാക്കാന് അനുവാദമുള്ളത്.
https://www.facebook.com/Malayalivartha
