കനത്ത മുടൽമഞ്ഞ്...! അപ്രതീക്ഷിതമായി കാലാവസ്ഥയില് മാറ്റമുണ്ടാകാം.. ഡ്രൈവര്മാര്ക്ക് മുന്നറിയിപ്പുമായി ദുബൈ പൊലീസ്
മൂടല്മഞ്ഞ് തുടര്ച്ചയായി മൂടല്മഞ്ഞ് അനുഭവപ്പെടുന്നതിനാൽ ഡ്രൈവര്മാര്ക്ക് മുന്നറിയിപ്പുമായി ദുബൈ പൊലീസ്. റോഡില് സുരക്ഷാ നിയമങ്ങള് കര്ശനമായി പാലിക്കുക, പ്രതികൂലമായ കാലാവസ്ഥകളില് വേഗത കുറക്കുക, അപകടങ്ങള് ഒഴിവാക്കുന്നതിന് ശ്രദ്ധയുണ്ടാവുക കൂടുതല് ജാഗ്രത പാലിക്കുക എന്നിവയാണ് ദുബൈ പൊലീസ് മുന്നറിയിപ്പ് നൽകിയിരിക്കുന്നത്.
തണുപ്പുകാലത്തിന്റെ തുടക്കമായതിനാല് ഈ മാസങ്ങളില് അപ്രതീക്ഷിതമായി കാലാവസ്ഥയില് മാറ്റമുണ്ടാകാന് സാധ്യതയുള്ളതിനാല് ശരിയായ ശ്രദ്ധയുണ്ടാകണം. യാത്ര പുറപ്പെടുന്നതിന് മുമ്പ് കാലാവസ്ഥ മുന്നറിയിപ്പുകള് പരിശോധിക്കാന് സമയം കണ്ടെത്തണം. വാഹനങ്ങള്ക്കിടയില് ആവശ്യമായ അകലം പാലിക്കുകയും വേഗത നിര്ദേശിക്കപ്പെട്ട രൂപത്തില് മാത്രമായി ചുരുക്കുകയും വേണം.
പാതകള് മാറുമ്പോള് ഇന്ഡിക്കേറ്റര് ഉപയോഗിച്ച് കൃത്യമായ മുന്നറിയിപ്പ് മറ്റു വാഹനങ്ങള്ക്ക് നല്കുകയും വേണം. യാത്രക്ക് ആവശ്യമായതിലും കൂടുതല് സമയം കരുതുകയും സാധ്യമെങ്കില് മൂടല്മഞ്ഞ് തെളിയുന്നതുവരെ കാത്തിരിക്കണമെന്നും ദുബൈ പൊലീസ് ട്രാഫിക് വിഭാഗം ഡയറക്ടര് മേജര് ജനറല് സൈഫ് മുഹൈര് അല് മസ്റൂഇ പ്രസ്താവനയില് പറഞ്ഞു.
https://www.facebook.com/Malayalivartha
