ഫുജൈറയിലുണ്ടായ വാഹനാപകടത്തിൽ രണ്ട് മലയാളികൾക്ക് ദാരുണാന്ത്യം സംഭവിച്ചിരിക്കുകയാണ്. കണ്ണൂർ രാമന്തളി സ്വദേശി എം.എൻ.പി ജലീൽ (43), പയ്യന്നൂർ പെരളം സ്വദേശി സുബൈർ (43) എന്നിവരാണ് മരിച്ചത്. മലീഹ റോഡിൽ ഇവർ സഞ്ചരിച്ച വാഹനം ടയർപൊട്ടി മറിഞ്ഞാണ് അപകടം ഉണ്ടായതെന്നാണ് റിപ്പോർട്ടുകൾ.

ഇരുവരും ഫുജൈറയിൽ ഫാൻസി ആഭരണ ബിസിനസ് നടത്തിവരികയായിരുന്നു. ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നാട്ടിലേക്ക് കൊണ്ടുപോകാനുള്ള ശ്രമം പുരോഗമിക്കുകയാണ്.

അതുപോലെ സൗദിയിൽ ഈ മാസം ആറിന് ഉണ്ടായ വാഹനാപകത്തിലും രണ്ട് മലയാളികൾക്ക് ജീവൻ നഷ്ടമായിരുന്നു. റിയാദിൽ നിന്ന് 431 കിലോമീറ്ററകലെ ഖസീം പ്രവിശ്യയിൽ ബുറൈദക്ക് സമീപം അൽറസിലാണ് രണ്ട് പ്രവാസികളു‌‌ടെ ജീവൻ നഷ്ടപ്പെടാനുണ്ടായ അപകടം ഉണ്ടായത്. മലപ്പുറം മക്കരപറമ്പ് കാച്ചിനിക്കോട് സ്വദേശി ചെറുശ്ശോല ഇഖ്ബാല്‍ (44), മഞ്ചേരി വള്ളിക്കാപ്പറ്റ സ്വദേശി വെള്ളക്കാട്ട് ഹുസൈന്‍ (23) എന്നിവരാണ് മരിച്ചത്.