15 വര്ഷത്തെ പ്രവാസ ജീവിതം, ബഹ്റൈനിലെ താമസ സ്ഥലത്ത് മലയാളിയെ തൂങ്ങിമരിച്ച നിലയിൽ കണ്ടെത്തി
ബഹ്റൈനില് പ്രവാസി മലയാളിയെ തൂങ്ങിമരിച്ച നിലയിൽ കണ്ടെത്തി. 15 വര്ഷമായി ബഹ്റൈനില് പ്രവാസിയായിരുന്ന മലപ്പുറം പള്ളിക്കല്ബസാര് സ്വദേശി രാജീവന് ചെല്ലപ്പന് (40) ആണ് മരിച്ചത്. ഹംലയിലെ താമസ സ്ഥലത്ത് മുറിയിലെ ഫാനില് തൂങ്ങിമരിച്ച നിലയിലാണ് കണ്ടെത്തിയത്.
സുഹൃത്തുക്കള് എത്തിയപ്പോള് മുറി അകത്തു നിന്ന് പൂട്ടിയ നിലയിലായിരുന്നു. ഡോര് പൊളിച്ച് അകത്ത് കടന്നപ്പോള് ഫാനില് തൂങ്ങി നില്ക്കുന്ന നിലയിലാണ് മൃതദേഹം കണ്ടതെന്നാണ് റിപ്പോര്ടുകള്. തുടര്ന്ന് ആംബുലന്സ് വിളിച്ചെങ്കിലും പാരാമെഡികല് ജീവനക്കാര് സ്ഥലത്തെത്തി മരണം സ്ഥിരീകരിക്കുകയായിരുന്നു.
രാജീവന്റെ ഭാര്യയും, നാലും ഏഴും വയസുള്ള രണ്ട് മക്കളും അച്ഛനും അമ്മയും നാട്ടിലാണ്. ബഹ്റൈനില് ഒരു റെന്റല് കംപനിയിലെ ജീവനക്കാരനായിരുന്നു.മൃതദേഹം സല്മാനിയ മെഡികല് കോംപ്ലക്സ് മോര്ച്ചറിയിലേക്ക് മാറ്റി. നാട്ടിലേക്ക് കൊണ്ടു പോകാനുള്ള നടപടികള് പുരോഗമിക്കുന്നതായി ബന്ധപ്പെട്ടവര് അറിയിച്ചു.
https://www.facebook.com/Malayalivartha
