ടിക്കറ്റില്ലാതെ തന്നെ ഖത്തറിലെത്താം, പ്രവാസികൾക്ക് അതിനുള്ള അവസരമൊരുങ്ങുന്നു, ഡിസംബര് രണ്ട് മുതല് ഖത്തറിലേക്ക് വരാന് ടിക്കറ്റ് വേണമെന്നില്ല
പ്രവാസികൾക്ക് രാജ്യത്തേക്ക് പ്രവേശിക്കാൻ സുവർണാവസരം ഒരുക്കിയിരിക്കുകയാണ് ഖത്തർ. ലോകകപ്പിലെ ഏതെങ്കിലുമൊരു മത്സരം കാണാൻ ടിക്കറ്റെടുത്തവർക്കാണ് ഹയ്യാ കാർഡ് ലഭിക്കുക. ഇതിനകം ഹയ്യാ കാര്ഡ് സ്വന്തമാക്കിയ ഫുട്ബോള് ആരാധകര് നവംബര് ഒന്നു മുതല് തന്നെ ഖത്തറില് എത്തിത്തുടങ്ങി.
ടിക്കറ്റില്ലാതെ തന്നെ ഖത്തറിലെത്താന് പ്രവാസികൾക്ക് അവസരമൊരുങ്ങുന്നു. ടൂര്ണമെന്റിനായി ടിക്കറ്റ് വാങ്ങാത്ത ഫുട്ബോള് ഫാനുകള്ക്ക് ഡിസംബര് രണ്ടു മുതല് മാത്രമേ രാജ്യത്തേക്ക് പ്രവേശിക്കാം. അഥവാ ലോകകപ്പ് മല്സരങ്ങളുടെ ഗ്രൂപ്പ് ഘട്ടം പൂര്ത്തിയായതിന് ശേഷം മാത്രമേ ടൂര്ണമെന്റ് ടിക്കറ്റില്ലാത്ത ഇവര്ക്ക് രാജ്യത്തേക്കുള്ള പ്രവേശനം അനുവദിക്കും
ഫിഫ ലോകകപ്പ് ഖത്തര് 2022 ന്റെ ഗ്രൂപ്പ് സ്റ്റേജ് മല്സരങ്ങള് സമാപിക്കുന്നതോടെ ടിക്കറ്റില്ലാത്ത ആരാധകര്ക്ക് ഖത്തറിലേക്ക് പ്രവേശിക്കാന് കഴിയും. ഡിസംബര് രണ്ട് മുതല് ഖത്തറിലേക്ക് വരാന് ടിക്കറ്റ് വേണമെന്നില്ല. എന്നാൽ, ടിക്കറ്റ് ഇല്ലാത്ത ആരാധകര്ക്ക് ഖത്തറില് പ്രവേശിക്കുന്നതിന് ഹയ്യാ കാര്ഡ് നിര്ബന്ധമാണെന്നും അത് ലഭിക്കുന്നതിന് ഹയ്യാ പ്ലാറ്റ്ഫോം വഴിയോ ഹയ്യാ മൊബൈല് ആപ്പ് വഴിയോ ഖത്തറിലേക്ക് വരാന് ഇന്നുതന്നെ അപേക്ഷിച്ചു തുടങ്ങാം.
ഇതോടൊപ്പം തന്നെ വിസിറ്റ് വിസയില് ഖത്തറിലുള്ളവര്ക്ക് ഫാന് വിസയിലേക്ക് മാറാനും സൗകര്യമൊരുക്കിയിട്ടുണ്ട്. ഇതിനായി ആഭ്യന്തര മന്ത്രാലയത്തിന്റെ വെബ്സൈറ്റ് വഴിയാണ് അപേക്ഷിക്കേണ്ടത്. 500 ഖത്തര് റിയാല് ഫീയും അടയ്ക്കണം.അതുപോലെ ലോകകപ്പ് സമയത്ത് ദുബൈയിൽ നിന്ന് ഖത്തറിലേക്ക് പ്രത്യേക ഷട്ടിൽ സർവീസുകളാണ് ദുബൈയിൽ നിന്ന് ഒരുക്കിയിട്ടുള്ളത്. പ്രധാന വിമാനക്കമ്പനികളെല്ലാം ദിവസേന സർവീസ് നടത്തുന്നുണ്ട്.
ഈ സൗകര്യങ്ങളെല്ലാം ഉപയോഗപ്പെടുത്തി ലക്ഷക്കണക്കിന് ഫുട്ബോൾ ആരാധകർ ദുബൈ നഗരത്തിലേക്കുമെത്തുമെന്ന പ്രതീക്ഷയിലാണ് അധികൃതർ. ലോകകപ്പിനോടനുബന്ധിച്ച് വെറും 100 ദിർഹത്തിന് അതായത് 2252.65 ഇന്ത്യൻ രൂപയ്ക്ക് 90 ദിവസ കാലാവധിയുള്ള മൾട്ടിപ്പ്ൾ എൻട്രി ടൂറിസ്റ്റ് വിസ ദുബൈ അനുവദിച്ചിരുന്നു. 90 ദിവസത്തിന് ശേഷം വിസ വീണ്ടും പുതുക്കാൻ കഴിയുമെന്നും അധികൃതർ അറിയിച്ചു.
ഇതോടെ, ഖത്തറിലേക്ക് പറക്കുന്ന ഫുട്ബാൾ ആരാധകർക്ക് കുറഞ്ഞ ചെലവിൽ യു.എ.ഇയും സന്ദർശിക്കാൻ കഴിയും. ലോകകപ്പിനെത്തുന്നവരിൽ നല്ലൊരു ശതമാനവും ദുബൈയിലായിരിക്കും താമസം. ദുബൈയിൽ നിന്ന് 45 മിനിറ്റിനുള്ളിൽ ഖത്തറിൽ പറന്നെത്താൻ കഴിയും. എന്നാൽ എല്ലാവർക്കും ഈ വിസ ലഭിക്കില്ലെന്നതാണ് പ്രത്യേകത. മറിച്ച്, ഖത്തറിലെ ലോകകപ്പ് ഹയ്യാകാർഡ് കൈവശമുള്ളവർക്ക് മാത്രമേ ഈ പ്രത്യേക വിസയ്ക്കായി അപേക്ഷിക്കാൻ സാധിക്കുകയൊള്ളു. ആദ്യമായി ഇന്നലെയാണ് ജിഡിആർഎഫ്എ ഈ വിസ അനുവദിച്ചു തുടങ്ങിയത്.
ഖത്തർ ലോകകപ്പിലെ ഏതെങ്കിലുമൊരു മത്സരം കാണാൻ ടിക്കറ്റെടുത്തവർക്കാണ് ഹയ്യാ കാർഡ് ലഭിക്കുക. അവർക്ക് മാത്രമേ ഈ വിസ ലഭിക്കുകയുള്ളു. മാച്ച് ടിക്കറ്റ് സ്വന്തമാക്കിയ എല്ലാ കാണികൾക്കും സ്വന്തം പേരിൽ ഹയ്യാ കാർഡിന് അപേക്ഷിക്കാം. ഖത്തറിനു പുറത്തു നിന്ന് അപേക്ഷിച്ചാൽ അഞ്ചു ദിവസത്തിനുള്ളിലും ഖത്തറിൽ നിന്നുള്ള അപേക്ഷകന് മൂന്ന് ദിവസത്തിനുള്ളിലും അംഗീകാരം ലഭിക്കും.
https://www.facebook.com/Malayalivartha
