പ്രവാസികളുടെ ഏറെ നാളത്തെ കാത്തിരിപ്പിന് വിരാമം, കണ്ണൂരില് നിന്ന് ജിദ്ദയിലേക്ക് നേരിട്ടുള്ള വിമാന സര്വീസിന് തുടക്കം, 172 യാത്രക്കാരുമായി ആദ്യ ദിനം പറന്ന് എയര് ഇന്ത്യ എക്സ്പ്രസ്...!
ഏറെ നാളത്തെ കാത്തിരിപ്പിന് ശേഷം പ്രവാസികൾക്കായി കണ്ണൂരില് നിന്ന് സൗദി അറേബ്യയിലെ ജിദ്ദയിലേക്ക് നേരിട്ടുള്ള വിമാന സര്വീസിന് കഴിഞ്ഞ ദിവസം തുടക്കമായി. കണ്ണൂരില് നിന്ന് 172 യാത്രക്കാരുമായി ഇന്നലെ ഉച്ചയ്ക്ക് 1.35ന് പുറപ്പെട്ട എയര് ഇന്ത്യ എക്സ്പ്രസിന്റെ ഐ എസ് 799 വിമാനം ജിദ്ദയില് എത്തി.
യാത്രക്കാരില് കൂടുതല് ഉംറ തീര്ത്ഥാടകരായിരുന്നു. പ്രതീക്ഷിച്ചതിനേക്കാള് മുക്കാല് മണിക്കൂര് നേരത്തെയാണ് വിമാനം ലാന്ഡ് ചെയ്തത്. കണ്ണൂരിലെത്തിയ വിമാനത്തെ വാട്ടര് സല്യൂട്ട് നല്കി സ്വീകരിച്ചു. പ്രത്യേക എമിഗ്രേഷന് ക്ലിയറന്സ് സൗകര്യം ഇവിടെ ക്രമീകരിച്ചിരുന്നു.
അതുപോലെ എയർ ഇന്ത്യ എക്സ്പ്രസ് ദുബൈയിൽ നിന്ന് നിരവധി യാത്രക്കാരുള്ള കണ്ണൂരിലേക്ക് സർവീസ് ആരംഭിച്ചു. ഇതിനായി അധികം നവംബർ ഒന്ന് മുതലാണ് സർവ്വീസ് തുടങ്ങിയത്. ആഴ്ചയിൽ നാല് ദിവസമാണ് സർവീസ്. ചൊവ്വ, വ്യാഴം, ശനി, ഞായർ ദിവസങ്ങളിലാണ് എയർ ഇന്ത്യ എക്സ്പ്രസ് കണ്ണൂരിലേക്ക് പറക്കുക.
വൈകുന്നേരം യു എ ഇ സമയം 6:40 ന് പുറപ്പെടുന്ന IX 748 വിമാനം കണ്ണൂരിൽ ഇന്ത്യൻ സമയം 11: 50 ന് എത്തുമെന്ന് എയർ ഇന്ത്യ അറിയിച്ചു. കണ്ണൂരിൽ തിരിച്ച് IX 747 വിമാനം തിങ്കൾ, ബുധൻ, വെള്ളി, ഞായർ ദിവസങ്ങളിൽ രാത്രി 12.50 പുറപ്പെടും. ദുബൈയിൽ പുലർച്ചെ 3.15 ന് എത്തും. നിലവിൽ ദുബൈയിൽ നിന്ന് കണ്ണൂരിലേക്ക് ഗോഫസ്റ്റ് വിമാനങ്ങൾ മാത്രമാണ് സർവീസ് നടത്തുന്നത്..
https://www.facebook.com/Malayalivartha
