ഖത്തര് ലോകകപ്പ്, പ്രത്യേക യാത്രാനിരക്ക് പ്രഖ്യാപിച്ച് ഒമാൻ എയര്, ഇക്കണോമി ക്ലാസ് 149 റിയാല് മുതൽ
20 NOVEMBER 2022 03:56 PM IST
മലയാളി വാര്ത്ത
പ്രത്യേക യാത്രാനിരക്ക് പ്രഖ്യാപിച്ച് ഒമാൻ ദേശീയ വിമാനക്കമ്പനിയായ ഒമാന് എയര്. ഇക്കണോമി ക്ലാസിന് 149 ഒമാന് റിയാല് മുതലും ബിസിനസ് ക്ലാസിന് 309 റിയാല് മുതലുമാണ് നിരക്ക് ആരംഭിക്കുന്നത്. എല്ലാ നികുതികളും എയര്പോര്ട്ട് ചാര്ജുകളും ഹാന്ഡ് ബാഗേജ് അലവന്സും ഇതില് ഉള്പ്പെടും.
ഖത്തര് ലോകകപ്പിനോടനുബന്ധിച്ചാണ് പ്രത്യേക ടിക്കറ്റ് നിരക്ക് ഒമാന് എയര് പ്രഖ്യാപിച്ചത്. നവംബര് 21 മുതല് ഡിസംബര് മൂന്നുവരെ മസ്കത്തിനും ദോഹക്കുമിടയില് 48 മാച്ച് ഡേ ഷട്ടില് സര്വിസ് നടത്തുമെന്ന് എയര്ലൈന് അധികൃതര് അറിയിച്ചു.
ഷട്ടില് ഫ്ലൈറ്റുകളിലെ യാത്രക്കാര്ക്ക് ഒമാന് എയറിന്റെ മികച്ച സൗകര്യങ്ങളും സേവനങ്ങളുമെല്ലാം ആസ്വദിക്കാം. 49 റിയാലാണ് ഇതിന്റെ നിരക്ക്. മാച്ച് ഡേ ഷട്ടില് ഫ്ലൈറ്റുകള് ഒമാന് എയര് വെബ്സൈറ്റില് (omanair.com) ബുക്ക് ചെയ്യാം.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
