കുവൈത്തില്‍ രാഷ്ട്രീയ തടവുകാർക്ക് അമീർ ശൈഖ് നവാഫ് അൽ-അഹ്മദ് അൽ-ജാബിർ അൽ-സബ പൊതുമാപ്പ് പ്രഖ്യാപിച്ചു. ഔദ്യോഗിക ഗസറ്റിൽ പ്രസിദ്ധീകരിക്കപ്പെടുന്നതോടെ രാഷ്ട്രീയ കേസുകളിൽ ഉൾപ്പടെയുള്ളവര്‍ക്ക് അമീർ നൽകിയ പൊതുമാപ്പ് പ്രാബല്യത്തിലാകും.2011 നവംബർ 16 മുതൽ 2021 അവസാനം വരെ ജയിലിൽ എത്തിയ കുവൈത്ത് പൗരന്മാർക്ക് പൊതുമാപ്പ് നൽകാനാണ് ഉത്തരവിട്ടിരിക്കുന്നത്.മാസങ്ങൾക്കുമുമ്പ്, അമീർ നിരവധി പ്രതിപക്ഷ രാഷ്ട്രീയ നേതാക്കൾക്കും മറ്റു നിരവധി തടവുകാരും മാപ്പ് നൽകിയിരുന്നു

മന്ത്രിസഭ ഉത്തരവ് അംഗീകരിച്ചതിന് പിന്നാലെയാണ് അമീര്‍ ഉത്തരവ് പുറപ്പെടുവിച്ചതെന്ന് ഉപ പ്രധാനമന്ത്രിയും കാബിനറ്റ്കാര്യ മന്ത്രിയുമായ ബറാക് അൽ ഷതാൻ അറിയിച്ചു.ഭരണഘടനയുടെ 75 വകുപ്പ് അനുസൃതമായാണ് പൊതുമാപ്പ് പ്രഖ്യാപിച്ചത്.വിവിധ കുറ്റങ്ങളില്‍ തടവിലായ സ്വദേശികള്‍ക്കാണ് പൊതുമാപ്പ് ആനുകൂല്യം ലഭിക്കുക. കഴിഞ്ഞ വര്‍ഷം പാർലിമെന്റ് കയ്യേറ്റക്കേസിലും മറ്റും ഉൾപ്പെട്ട് വിദേശങ്ങളിൽ രാഷ്ട്രീയ അഭയം തേടിയ മുൻ എംപിമാർ ഉൾപ്പെടെയുള്ളവർക്ക് കുവൈത്ത് പൊതുമാപ്പ് നല്‍കിയിരുന്നു.

പൊതുമാപ്പിന് അര്‍ഹരായ തടവുകാരുടെ പേരുവിവരങ്ങൾ തയാറാക്കാൻ മന്ത്രിമാരും അറ്റോണി ജനറലും ആഭ്യന്തര മന്ത്രാലയം അണ്ടർസെക്രട്ടറിയും ഉൾപ്പെടുന്ന പ്രത്യേക സമിതി ഇന്ന് യോഗം ചേരുമെന്ന് ബറാക് അൽ ഷതാൻ പറഞ്ഞു.പ്രത്യേക സമിതി യോഗം ചേർന്ന് തടവുകാരുടെ പട്ടിക തയാറാക്കും. അമീറിനെ അപമാനിക്കുക, ചോദ്യം ചെയ്യുക, ഫോൺ ദുരുപയോഗം ചെയ്യുക തുടങ്ങിയ കുറ്റകൃത്യത്തിന് തടവിലായവരെയും വിട്ടയയ്ക്കുമെന്നാണ് അറിയുന്നത്

ഔദ്യോഗിക ഗസറ്റിൽ പ്രസിദ്ധീകരിക്കപ്പെടുന്നതോടെയാണ് രാഷ്ട്രീയ കേസുകളിൽ ഉൾപ്പെട്ടവർക്ക് അമീർ നൽകിയ പൊതുമാപ്പ് പ്രാബല്യത്തിലാകുക . എന്നാൽ എത്ര തടവുകാർക്ക് മാപ്പുനൽകുമെന്നും പ്രത്യേക സമിതിയുടെ പ്രവർത്തന സമയപരിധി സംബന്ധിച്ച വിശദാംശങ്ങളും അധികൃതര്‍ വെളിപ്പെടുത്തിയിട്ടില്ല.",
വിവിധ കുറ്റങ്ങളില്‍ തടവിലായ സ്വദേശികള്‍ക്കാണ് പൊതുമാപ്പ് ആനുകൂല്യം ലഭിക്കുക എന്ന് മാത്രമാണ് ഇപ്പോൾ പുറത്തുവന്ന റിപ്പോർട്ട് . വൈദ്യ പരിശോനകൾക്കായി ഇറ്റലിയിലേക്ക് പോയിരുന്ന അമീർ കുവൈറ്റിൽ മടങ്ങി എത്തി ഒരു മാസം തികയുന്നതിനു മുമ്പേയാണ് തടവുകാർക്ക് മാപ്പു നൽകുന്ന പ്രഖ്യാപനം ഉണ്ടായിട്ടുള്ളത്

2020 സെപ്റ്റംബർ 30 മുതൽ കുവൈത്തിലെ അമീറും കുവൈറ്റ് മിലിട്ടറി ഫോഴ്സിന്റെ കമാൻഡറുമാണ് നവാഫ് അൽ-അഹ്മദ് അൽ-ജാബിർ അൽ-സബ.. കുവൈറ്റ് രാജകുടുംബത്തിലെ ഏറ്റവും മുതിർന്ന അംഗങ്ങളിൽ ഒരാളാണ് ഷെയ്ഖ് നവാഫ്, 58 വർഷത്തിലേറെയായി വിവിധ ഭരണ ഉത്തരവാദിത്തങ്ങളിൽ കുവൈത്തിൽ സേവനമനുഷ്ഠിക്കുന്നു .