പ്രവാസികളുടെ ആ തലവേദനയ്ക്ക് ആശ്വാസം, പാസ്പോര്ട്ടില് ഒറ്റപ്പേരുള്ളവര്‍ക്ക് ഏപ്പെടുത്തിയ നിബന്ധനയിൽ ഇളവ് പ്രഖ്യാപിച്ച് അധികൃതര്‍, യുഎഇയുടെ വ്യാപാര പങ്കാളിയായ ഇന്‍ഡിഗോ വിമാന കമ്പനിക്കും നിര്‍ദേശം, തിങ്കളാഴ്ച മുതല്‍ പുതിയ ചട്ടം പ്രാബല്യത്തില്‍ വരും...!
വിസിറ്റ് വിസയിൽ പോകുന്ന പ്രവാസികൾക്ക് തലവേദനയായി യുഎഇ പുതിയ മുന്നറിയിപ്പ് പുറത്തുവിട്ടിരുന്നു. ഇനി പാസ്പോർട്ടിൽ ഒറ്റ പേരുള്ളവർക്ക് യു.എ.ഇയിലേക്ക് വിസിറ്റ് വിസയിൽ വരാനാവില്ലെന്നായിരുന്നു അധികൃതരുടെ ഈ മുന്നറിയിപ്പ്. എന്നാൽ സർനെയിമോ,രണ്ടാം പേരോ പാസ്പോർട്ടിൽ വേണമെന്ന നിബന്ധനയിൽ ഇളവുകളുമായി ഇപ്പോൾ അധികൃതര്‍ എത്തിയിരിക്കുകയാണ്.
ഉദാഹരണത്തിന് നിങ്ങളുടെ പാസ്പോർട്ടിലെ പേര് പ്രവീൺ എന്ന ഒറ്റപ്പേരു മാത്രമാണെങ്കിൽ വിസ കിട്ടില്ല എന്നും പ്രവീൺകുമാർ എന്ന പേരിലെ പ്രവീൺ ഗിവൺ നെയിമും കുമാർ സർ നെയിം ആക്കുകയോ പ്രവീൺ കുമാർ എന്നു രണ്ടായി രേഖപ്പെടുത്തുകയോ ചെയ്യണം. ഇത്തരത്തിലായിരുന്നു നിബന്ധന.
എന്നാൽ പാസ്പോര്ട്ടില് ഒറ്റപ്പേരുള്ളവര്‍ക്ക് ഏപ്പെടുത്തിയ ഈ നിബന്ധനയിൽ ഇളവ് പ്രഖ്യാപിച്ചിരുക്കുകയാണ് അധികൃതര്‍. പാസ്‌പോര്‍ട്ടിന്റെ അവസാന പേജില്‍ പിതാവിന്റെ പേരോ കുടുംബ പേരോ ഉള്ളവര്‍ക്ക് യുഎഇ വീസ അനുവദിക്കുമെന്ന് നാഷനല്‍ അഡ്വാന്‍സ്ഡ് ഇന്‍ഫര്‍മേഷന്‍ സെന്റര്‍ അറിയിച്ചതായി എയര്‍ ഇന്ത്യ, എയര്‍ ഇന്ത്യാ എക്‌സ്പ്രസ് അധികൃതര്‍ വ്യക്തമാക്കി.യുഎഇയുടെ വ്യാപാര പങ്കാളിയായ ഇന്‍ഡിഗോ വിമാന കമ്പനിക്കും ഈ നിര്‍ദേശം നല്‍കിയതായാണ് റിപ്പോര്‍ട്ട്.
സിംഗിള്‍ നെയിം പാസ്‌പോര്‍ട്ടിലുള്ളവര്‍ക്ക് യുഎഇ സന്ദര്‍ശക-ടൂറിസ്റ്റ് വീസ അനുവദിക്കില്ലെന്ന് യുഎഇ നാഷനല്‍ അഡ്വാന്‍സ് ഇന്‍ഫര്‍മേഷന്‍ സെന്റര്‍ കഴിഞ്ഞദിവസം അറിയിച്ചിരുന്നു. തിങ്കളാഴ്ച മുതല്‍ പുതിയ ചട്ടം പ്രാബല്യത്തില്‍ വരും. പാസ്പോര്ട്ടില് പേരിനോട് ചേര്‍ന്നുള്ള സര്‍ നെയിം, ഫസ്റ്റ് നെയിം കോളങ്ങളില്‍ പേരിന്റെ മറ്റു ഭാഗങ്ങള്‍ വ്യക്തമായി കാണിച്ചിരിക്കണമെന്നാണ് യു.എ.ഇയുടെ നിര്‍ദേശത്തില്‍ പറയുന്നത്.സര്‍നെയിം, ഫസ്റ്റ് നെയിം കോളങ്ങളില്‍ കൂടി അതേ സിംഗിള്‍ നെയിം നല്‍കി അപ്ഡേറ്റ് ചെയ്താല്‍ റെസിഡന്‍സ് പെര്‍മിറ്റും സ്ഥിര വിസയുമുള്ള യാത്രക്കാര്‍ക്ക് യുഎഇയിലേക്ക് യാത്ര ചെയ്യാമെന്നും ഇന്‍ഡിഗോയുടെ പ്രസ്താവനയില്‍ പറയുന്നു.
അതേസമയം, സന്ദർശന വിസയിൽ രാജ്യത്ത് എത്തുന്നവർക്ക് വിസ പുതുക്കുന്നതിൽ സൗദി പുതിയ മാർഗനിർദേശങ്ങൾ പുറപ്പെടുവിച്ചിരുന്നു. വിസ പുതുക്കുന്നതിനായി പുതിയ ആരോഗ്യ ഇൻഷുറൻസ് പ്രീമിയം അടയ്ക്കണമെന്ന് ആരോഗ്യ ഇന്‍ഷൂറന്‍സ് കൗണ്‍സില്‍ അറിയിച്ചു. വിസിറ്റിംഗ് വിസ നീട്ടിനൽകാൻ അഭ്യർഥിക്കുന്ന സമയത്ത് പുതുക്കിയ വിസയോടൊപ്പം ഈ ഇൻഷുറൻസ് പരിരക്ഷ ലഭിക്കുന്നതായിരിക്കും.
തവുനിയ, ബൂപ, മെഡ്ഗള്‍ഫ്, ഗള്‍ഫ് യൂണിയന്‍, അറേബ്യന്‍ ഷീല്‍ഡ് കോഓപ്പറേറ്റീവ് ഇന്‍ഷൂറന്‍സ്, അറേബ്യന്‍ കോഓപ്പറേറ്റീവ് ഇന്‍ഷൂറന്‍സ്, അല്‍ ഇത്തിഹാദ് കോഓപ്പറേറ്റീവ്, അല്‍ സഗര്‍ കോഓപ്പറേറ്റീവ് ഹെല്‍ത്ത് ഇന്‍ഷൂറന്‍സ്, എഎക്‌സ്എ കോഓപ്പറേറ്റീവ്, അലൈഡ് കോഓപ്പറേറ്റീവ് ഇന്‍ഷൂറന്‍സ് ഗ്രൂപ്പ്, അല്‍ റാജ്ഹി തകാഫുല്‍, വലാ, സൗദി ഇനായ തുടങ്ങിയ സൗദിയിലെ ലൈസന്‍സുള്ള ഇന്‍ഷൂറന്‍സ് കമ്പനികളില്‍ നിന്ന് ആരോഗ്യ ഇന്‍ഷുറന്‍സ് പരിരക്ഷ ലഭിക്കും. ഇത്തരത്തിലുള്ള അംഗീകൃത കമ്പനികളിൽ നിന്ന് തന്നെ നിർബന്ധമായും ഇൻഷുറൻസ് നേടിയിരിക്കണം.
https://www.facebook.com/Malayalivartha
