യുഎഇയുടെ വിവിധ എമിറേറ്റുകളിൽ നിരവധി പ്രവാസികൾ തൊഴിലെടുക്കുന്നുണ്ട്. പ്രവാസികൾക്ക് ആശ്വാസത്തിന്റെയും സന്തോഷത്തിന്റേയു ദിനങ്ങളാണ് ഓരോ പൊതു അവധികളും സമ്മാനിക്കാറുള്ളത്. പലരും തൊഴിൽ സമ്മർദ്ദങ്ങൾ മൂലം വിശ്രമത്തിനായി അവധി ദിനങ്ങൾ കാത്തിരിക്കുകയാണ്. അടുത്ത വർഷത്തെ പൊതു അവധി ഏതൊക്കെയാണെന്ന് അറിഞ്ഞ് ഇനിനനുസരിച്ച് കാര്യങ്ങൾ പ്ലാൻ ചെയ്യാൻ പ്രവാസികൾക്ക് അവസരം എത്തിയിരിക്കുകയാണ്. ഇപ്പോൾ 2023ലെ പൊതു അവധി ദിനങ്ങൾ കാബിനറ്റ് പ്രഖ്യാപിച്ചിരിക്കുകയാണ്.

പൊതു-സ്വകാര്യ മേഖലകളിലുള്ളവർക്ക് ഏകീകൃതമായാണ് പൊതു അവധി ദിനങ്ങൾ ലഭിക്കുക.സർക്കാർ അറിയിച്ചതു പ്രകാരം, ആദ്യമായി ഗ്രിഗോറിയൻ പുതുവർഷാരംഭത്തോടനുബന്ധിച്ച് ജനുവരി 1 ന് പൊതു അവധി ലഭിക്കും. ഈദുൽ ഫിത്തറിനോടനുബന്ധിച്ച് റമദാൻ 29 മുതൽ ശവ്വാൽ 3 വരെയാണ് അടുത്ത പൊതുഅവധി ലഭിക്കുക. വലിയ പെരുന്നാൾ അവധി ദുൽഹിജ്ജ 9ന് ആരംഭിച്ച് 12 വരെ നീണ്ടു നിൽക്കും.

ഹിജ്‌റ വർഷാരംഭത്തിന്റെ ഭാഗമായി ജൂലൈ 21 നും പൊതു അവധി ലഭിക്കും. പ്രവാചകൻ മുഹമ്മദ് നബിയുടെ ജന്മദിനത്തോടനുബന്ധിച്ച് സെപ്റ്റംബർ 29 നും യു.എ.ഇ ദേശീയ ദിനം പ്രമാണിച്ച് ഡിസംബർ 2 മുതൽ 3 വരെയും അവധി ലഭിക്കുംവാരാന്ത്യത്തോട് തൊട്ടടുത്താണ് ഈ പറയപ്പെട്ട ദിവസങ്ങൾ വരുന്നതെങ്കിൽ അവധി ദിനങ്ങളുടെ എണ്ണം കൂടാനും സാധ്യതയുണ്ട്. മേൽ പരാമർശിച്ച പല അവധി ദിനങ്ങളും ഹിജ്‌രി-ഇസ്‌ലാമിക് കലണ്ടറിനെ അടിസ്ഥാനമാക്കിയാണ് പ്രഖ്യാപിച്ചിട്ടുള്ളത്. അതതു മാസങ്ങളിലെ ചന്ദ്രദർശനത്തെ ആശ്രയിച്ചായിരിക്കും അവയുടെ അനുബന്ധ ഗ്രിഗോറിയൻ തീയതികൾ നിശ്ചയിക്കുക.

2022 ഇനി 4 അവധി ദിനങ്ങളാണ് പ്രവാസികൾക്ക് ഒറ്റയടിക്ക് കിട്ടാൻ പോകുന്നത്. അതും ശമ്പളത്തോടുകൂടിയാണ് ഈ അവധി ദിനങ്ങൾ പ്രവാസികൾക്ക് കിട്ടുന്നത്. യു.എ.ഇയുടെ ദേശീയദിനത്തോടനുബന്ധിച്ച് രാജ്യത്തെ സ്വകാര്യ മേഖലയിലെ ജീവനക്കാർക്കും ശമ്പളത്തോടുകൂടിയ അവധി പ്രഖ്യാപിച്ചത്. യു.എ.ഇയിൽ ഡിസംബർ ആദ്യവാരത്തിൽ ഒന്നു മുതൽ നാലുവരെ ദേശീയ ദിനത്തോടനുബന്ധിച്ചുള്ള നീണ്ട പൊതു അവധി ലഭിക്കും.

ഹ്യൂമൻ റിസോഴ്‌സ് ആന്റ എമിറേറ്റൈസേഷൻ മന്ത്രാലയമാണ് പ്രഖ്യാപനം നടത്തിയത്.ഡിസംബർ 1 വ്യാഴം മുതൽ 3 ശനിയാഴ്ച വരെയാണ് ഔദ്യോഗിക അവധിയായി ലഭിക്കുക. ഞായറാഴ്ച യു.എ.ഇയിലെ മിക്ക ഓഫീസുകളും അവധിയായതിനാൽ, ഡിസംബർ 5 തിങ്കളാഴ്ച മുതലായിരിക്കും സർക്കാർ ഓഫിസുകൾ തുറന്ന് പ്രവർത്തിക്കുക. പൊതു, സ്വകാര്യ മേഖലകൾക്ക് യു.എ.ഇയിൽ തുല്യ ഇളവുകൾ നൽകണമെന്ന് മന്ത്രിസഭ നിർദ്ദേശം നൽകിയിട്ടുണ്ട്.

രാജ്യത്തിന് വേണ്ടി ജീവന്‍ ബലി നല്‍കിയവരുടെ ത്യാഗങ്ങള്‍ അനുസ്‍മരിക്കുന്നതിനായി എല്ലാ വര്‍ഷവും നവംബര്‍ 30നാണ് യുഎഇയില്‍ സ്‍മരണ ദിനം ആചരിക്കുന്നത്. എന്നാല്‍ ദേശീയ ദിനത്തിന്റെ അവധിക്കൊപ്പം സ്‍മരണ ദിനത്തിന്റെയും അവധി ഉള്‍പ്പെടുത്തിയാണ് ഡിസംബര്‍ ഒന്ന് മുതല്‍ മൂന്ന് വരെ അവധി നല്‍കുന്നത്.