സൗദി അറേബ്യയിൽ തീപിടുത്തം, നിരവധി കടകളിലേക്ക് തീ പടര്ന്നു, വൻ അഗ്നിബാധയിൽ ഒരാള് മരിച്ചു
സൗദി അറേബ്യയിൽ കടകളിലുണ്ടായ തീപിടുത്തത്തിൽ ഒരാള് മരിച്ചു. വെള്ളിയാഴ്ച പുലര്ച്ചെയാണ് സംഭവം. ജിദ്ദയിലെ സൂഖ് സവാരിഖില് ഒരു കടയില് ഉണ്ടായ തീപിടുത്തം പിന്നീട് പരിസരത്തെ നിരവധി കടകളിലേക്ക് പടരുകയായിരുന്നു. തീ നിയന്ത്രണ വിധേയമാക്കാനെത്തിയ സിവില് ഡിഫന്സ് സംഘത്തിലുണ്ടായിരുന്ന ക്യാപ്റ്റന് മുഹമ്മദ് അബ്ദുല്ല അല് സഖഫിയാണ് മരിച്ചത്.
നിരവധി കടകളിലേക്ക് അതിവേഗം തീ പടര്ന്നുപിടിച്ചതിനാല് പ്രദേശത്തെ റോഡുകള് അടച്ച് തീ നിയന്ത്രണ വിധേയമാക്കാന് പരിശ്രമിക്കുകയായിരുന്നു. ഇതിനിടെയാണ് ഉദ്യോഗസ്ഥരിലൊരാള്ക്ക് ജീവന് നഷ്ടമായത്. തീപിടുത്തം സംബന്ധിച്ച വിവരം ലഭിച്ചയുടന് തന്നെ ജിദ്ദ സിവില് ഡിഫന്സ് സ്ഥലത്തെത്തി രക്ഷാപ്രവര്ത്തനം തുടങ്ങിയിരുന്നതായി മക്ക പ്രവിശ്യ സിവില് ഡിഫന്സ് വക്താവ് കേണല് മുഹമ്മദ് ബിന് ഉസ്മാന് അല് ഖര്നി പറഞ്ഞു. തീ പൂര്ണമായും കെടുത്തിയതായി സിവില് ഡിഫന്സ് അറിയിച്ചു.
https://www.facebook.com/Malayalivartha
