ഒമാനില്‍ മലയാളി യുവാവ് കുഴഞ്ഞുവീണു മരിച്ചു. മലപ്പുറം കുറ്റിപ്പുറം കൂരട സ്വദേശി ഫാദില്‍ മുഹമ്മദ് ഹനീഫ (39) ആണ് മരിച്ചത്. ഒമാനില്‍ സന്ദര്‍ശനത്തിന് എത്തിയതായിരുന്നു. ഹൃദയാഘാതമാണ് മരണ കാരണം. താമസ സ്ഥലത്ത് നിന്നും നടക്കാനിറങ്ങിയപ്പോള്‍ കുഴഞ്ഞുവീഴുകയായിരുന്നു.

ഉടന്‍ ബൗശറിലെ റോയല്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ദുബായില്‍ നിന്ന് കഴിഞ്ഞ ദിവസമാണ് കുടുംബസമേതം മസ്‌കത്തിലെത്തിയത്. പിതാവ്: മുഹമ്മദ് ഹനീഫ. മാതാവ്: ഫാത്തിമ. ഭാര്യ: ഡോ. ഷഹ്ന. മക്കള്‍: യഹ്ന, നൂഹ്. മൃതദേഹം മസ്‌കത്തില്‍ ഖബറടക്കും.

അതേസമയം, ക്രിക്കറ്റ് കളിക്കുന്നതിനിടെ കുഴഞ്ഞുവീണ് മലയാളി സലാലയില്‍ മരിച്ചു. എറണാകുളം ഫോര്‍ട്ട്കൊച്ചി കുന്നുംപുറം സ്വദേശി ചെട്ടിപ്പാടം ഹസീന മന്‍സില്‍ ബാബു അബ്ദുല്‍ ഖാദര്‍ ആണ് മരിച്ചത്. ഉടന്‍ തന്നെ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു.

സാദയില്‍ ഇലക്‌ട്രോണിക് ഷോപ്പ് നടത്തിവരികയായിരുന്നു. ഭാര്യ: സെഫാന ബാബു. രണ്ട് മക്കളുണ്ട്. കുടുംബം സലാലയിലുണ്ട്. സഹോദരങ്ങള്‍ മസ്കത്തില്‍ നിന്ന് സലാലയിലേക്ക് തിരിച്ചിട്ടുണ്ട്. സുല്‍ത്താന്‍ ഖാബൂസ് ആശുപത്രിയില്‍ സൂക്ഷിച്ച മൃതദേഹം നിയമ നടപടികള്‍ക്കുശേഷം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവര്‍ അറിയിച്ചു.