ബിഗ് ടിക്കറ്റില്‍ മലയാളികള്‍ക്ക് വലിയ ഭാഗ്യമുണ്ടെന്ന് പൊതുവെ സ്വദേശികള്‍ പോലും വിശ്വസിക്കുന്നു. അതുകൊണ്ട് തന്നെ സ്വദേശികള്‍ ഉള്‍പ്പടേയുള്ളവർ മലയാളികളെക്കൊണ്ട് ബിഗ് ടിക്കറ്റ് എടുപ്പിക്കാറുമുണ്ട്. അബുദാബി ബിഗ് ടിക്കറ്റിന്റെ ചരിത്രം എടുത്ത് നോക്കിയാല്‍ വിജയിച്ചവരുടെ പട്ടികയില്‍ ഏറ്റവും കൂടുതല്‍ കാണാന്‍ കഴിയുന്നത് ഒരുപക്ഷെ മലയാളികളായിരിക്കും. എന്നാൽ ഇത്തവണ വിജയിയെ കണ്ടെത്താനാവാതെ ആകെ പെട്ടിരിക്കുകയായിരുന്നു അബുദബി ബിഗ് ടിക്കറ്റ് സംഘാടകർ.

ബിഗ് ടിക്കറ്റ് ചരിത്രത്തിലെ ഏറ്റവും വലിയ ലോട്ടറി അടിച്ചിട്ടും ആ വിവരം അറിയിക്കാൻ അൽപ്പം പാടുപെട്ടെങ്കിലും ഒടുവിൽ ആ ഭാഗ്യവാനെ കണ്ടെത്തുക തന്നെ ചെയ്തു. ബിഗ് ടിക്കറ്റിലൂടെ 66 കോടി നേടി പ്രവാസി ഇന്ത്യക്കാരനായ ഖാദന്‍ ഹുസൈനോ‌ട് ഈ വിവരം സംഘാടകർക്ക് അൽപ്പം പാടുപെടേണ്ടി വന്നു. അബുദാബിയിലെ ബിഗ് ടിക്കറ്റ് നറുക്കെടുപ്പില്‍ 66 കോടി നേടിയിട്ടും ഈ ഭാഗ്യശാലി ആദ്യം ഫോണെടുത്തിരുന്നില്ല. കേട്ടാല്‍ സന്തോഷം കൊണ്ട് തുള്ളിച്ചാടുന്ന ഈ വാര്‍ത്ത പറയാന്‍ പക്ഷേ എത്ര ശ്രമിച്ചിട്ടും ഈ ഭാഗ്യശാലി ഫോണെടുക്കാതിരുന്നത് ബിഗ് ടിക്കറ്റ് അധികൃതരെ ആദ്യമൊന്ന് കുഴക്കിയിരുന്നു.

വാര്‍ത്ത പറയാന്‍ നിരവധി തവണ ഹുസൈനെ വിളിച്ചെങ്കിലും ഫോണ്‍ സ്വിച്ച് ഓഫ് ആയിരുന്നുവെന്ന് ഷോയുടെ അവതാരകനായ റിച്ചാര്‍ഡ് പറഞ്ഞു. ഹുസൈന്‍ 2 ടിക്കറ്റുകള്‍ വാങ്ങിയിരുന്നെന്നും രണ്ടെണ്ണം വാങ്ങിയപ്പോള്‍ സൗജന്യമായി കിട്ടിയ ടിക്കറ്റിനാണ് സമ്മാനം ലഭിച്ചതെന്നും റിച്ചാര്‍ഡ് കൂട്ടിച്ചേര്‍ത്തു. നമ്പര്‍ 246-ന്റെ 206975 എന്ന ടിക്കറ്റാണ് ഖാദര്‍ ഹുസൈന് ഭാഗ്യം കൊണ്ടുവന്നത്. 35 മില്യണ്‍ ദിര്‍ഹമാണ് സമ്മാനം. ബിഗ് ടിക്കറ്റ് ചരിത്രത്തിലെ ഏറ്റവും വലിയ സമ്മാനമാണിത്.

ബിഗ് ടിക്കറ്റിന്റെ 246ാമത് സീരീസ് തത്സമയ നറുക്കെടുപ്പില്‍ ഗ്രാന്‍ഡ് പ്രൈസായ മൂന്ന് കോടി ദിര്‍ഹം (66 കോടിയിലേറെ ഇന്ത്യന്‍ രൂപ) ആണ് വിജയി സ്വന്തമാക്കിയത്. രണ്ടാം സമ്മാനവും ഇന്ത്യക്കാരനാണ് നേടിയത്. 047913 എന്ന ടിക്കറ്റ് നമ്പരിലൂടെ ഇന്ത്യക്കാരനായ തോമസ് ഒള്ളൂക്കാരനാണ് രണ്ടാം സമ്മാനമായ 1,000,000 ദിര്‍ഹം സ്വന്തമാക്കിയത്. മൂന്നാം സമ്മാനമായ 100,000 ദിര്‍ഹം നേടിയത് ഇന്ത്യക്കാരനായ പ്രഭ്ജീത് സിങ് ആണ്. ഇദ്ദേഹം വാങ്ങിയ 210236 എന്ന ടിക്കറ്റിനാണ് ഭാഗ്യം തേടിയെത്തിയത്.

308808 എന്ന ടിക്കറ്റ് നമ്പരിലൂടെ യുഎഇ സ്വേദശിയായ സഈദ് ഖാമിസ് ഹമദ് സഈദ് അല്‍ജെന്‍ബെല്‍ ആണ് നാലാം സമ്മാനമായ 50,000 ദിര്‍ഹം സ്വന്തമാക്കിയത്. ബിഗ് ടിക്കറ്റ് ഡ്രീം കാര്‍ നറുക്കെടുപ്പിലൂടെ ഇന്ത്യയില്‍ നിന്നുള്ള നിഷ മുഹമ്മദ് ബിഹാസ് റേഞ്ച് റോവര്‍ സീരീസ് ഏഴ് കാര്‍ സ്വന്തമാക്കി. 007616 എന്ന ടിക്കറ്റ് നമ്പരിനാണ് സമ്മാനം നേടിയത്. അബുദാബി ബിഗ് ടിക്കറ്റിന്റെ ഗ്രാന്‍ഡ് പ്രൈസ് വിജയിയെ 3.5 കോടി ദിര്‍ഹം (77 കോടിയിലേറെ ഇന്ത്യന്‍ രൂപ) ആണ് കാത്തിരിക്കുന്നത്. ഡിസംബര്‍ മാസത്തില്‍ ഉപഭോക്താക്കള്‍ക്ക് അടിത്ത തത്സമയ നറുക്കെടുപ്പിലേക്കുള്ള ടിക്കറ്റുകള്‍ വാങ്ങാന്‍ അവസരമുണ്ട്.