യുഎഇയുടെ ചന്ദ്രനിലേക്കുള്ള പ്രഥമ ദൗത്യത്തിന്റെ വിക്ഷേപണ തീയതി ഒടുവില്‍ പുറത്തുവന്നിരിക്കുകയാണ്. ഈ മാസം 11 ന് യുഎഇ സമയം രാവിലെ 11.38നാണു വിക്ഷേപിക്കുകയെന്നു മുഹമ്മദ് ബിൻ റാഷിദ് സ്‌പേസ് സെന്റർ ട്വിറ്ററിൽ അറിയിച്ചു. മുഹമ്മദ് ബിന്‍ റാശിദ് സ്‌പേസ് സെന്റര്‍ ഡയറക്ടര്‍ സാലിം ഹുമൈദ് അല്‍മുര്‍റി ആണ് ഇക്കാര്യം അറിയിച്ചത്.

വിക്ഷേപണ വാഹനത്തിന്റെയും ഡാറ്റാ അവലോകനത്തിന്റെയും പരിശോധനയെ തുടർന്നാണ് കാലതാമസമുണ്ടായത്. ജപാനീസ് ചാന്ദ്ര പര്യവേക്ഷണ കമ്പനിയായ ഐസ്പേസിന്റെ ഹകുടോ-ആര്‍ മിഷന്‍ 1 ലാന്‍ഡറിലാണ് യുഎഇയുടെ റാശിദ് റോവര്‍ ചന്ദ്രോപരിതലത്തില്‍ എത്തിക്കുക.

റാഷിദ് റോവറിൽ കയറ്റി ഫാൽക്കൺ 9 റോക്കറ്റിന്റെ ഡിസംബർ 1 വിക്ഷേപണത്തിൽ നിന്നു സ്‌പേസ് എക്‌സ് സ്റ്റാൻഡ് ഡൗൺ പ്രഖ്യാപിച്ചതിനു ശേഷമാണു പുതിയ ടാർഗറ്റ് വിക്ഷേപണ തീയതി വെളിപ്പെടുത്തിയത്.