അമേരിക്കയിലെ ഹൂസ്റ്റണിലുണ്ടായ വാഹനാപകടത്തിൽ മലയാളിയായ ഡോക്ടർക്ക് ദാരുണാന്ത്യം. കോട്ടയത്തു നിന്നും അമേരിക്കയിലേയ്ക്ക് കുടിയേറിയ രാമമംഗലം കിഴുമുറി കുന്നത്ത് ഡോ. മിനി വെട്ടിക്ക (52) ലാണ് മരിച്ചത്. മിനി ഓടിച്ചിരുന്ന കാറിൽ ബൈക്ക് ഇടിച്ചാണ് അപകടം സംഭവിച്ചത്. രോഗികൾക്ക് ആശ്വാസം പകരുന്ന പ്രിയ ഡോക്ടർ എന്നതിൽ ഉപരിയായി നിരവധി മേഖലകളിൽ തന്റേതായ വ്യക്തമുദ്ര പതിപ്പിച്ച വ്യക്തിയായിരുന്നു ഡോ. മിനി വെട്ടിക്കൽ.

മലയാള ഫാഷൻ മാഗസിനുകളിലും മോഡലായിട്ടുണ്ട് ; 52ാം വയസിലായിരുന്നു അപകട രൂപത്തിൽ മരണം അവരെ തേടിയെത്തിയത്. ഇവരുടെ അപ്രതീക്ഷിത വിയോഗം ഹൂസ്റ്റണിലെ മലയാളി സമൂഹത്തെ നടുക്കി . പ്രവാസി മലയാളികൾക്ക് ഏറെ പ്രിയങ്കരിയായിരുന്നു ഡോക്ടർ മിനി. ഫിസിഷ്യൻ എന്നതിന് പുറമെ നർത്തകി, മോഡൽ, വ്ലോഗർ തുടങ്ങി വിവിധ മേഖലകളിൽ വ്യക്തിമുദ്ര പതിപ്പിച്ചിരുന്ന ഡോ. മിനി. ഹൂസ്റ്റണണിലെ മലയാളി സാംസ്കാരിക രംഗത്തും സജീവമായിരുന്നു.

സൗമ്യമായി പെരുമാറുന്ന പ്രസന്നവതിയായിരുന്നു ഡോഡോക്ടറെന്നു. അപ്രതീക്ഷിത വിയോഗം വിശ്വസിക്കാനാകുന്നില്ലെന്നും ഹൂസ്റ്റണിലെ മലയാളികൾ പറയുന്നു. മലയാളത്തിലെ പ്രമുഖ മാഗസിനുകളായ വനിതയിലും ഫോർവേഡ് മാഗസിനിലും മിനി വെട്ടിക്കൽ മോഡലായിട്ടുണ്ട് . ഹൂസ്റ്റണിലെ മലയാളി കമ്മ്യൂണിറ്റിയുടെ ഓണം, ക്രിസ്തുമസ് ആഘോഷങ്ങളിലെല്ലാം അവർ ഭാഗമായിരുന്നു. മലയാളി അസോസിയേഷന്റെ പരിപാടികളിൽ എല്ലാം നർത്തകിയായും അവർ തിളങ്ങി .

എല്ലാവരാലും പ്രിയങ്കരിയായ ഡോക്ടറുടെ വിയോഗം പ്രവാസി മലയാളികളെയും കണ്ണീരിലാഴ്‌ത്തുന്നു. കോട്ടയത്തു നിന്നും അമേരിക്കയിലേക്ക് കുടിയേറിയ കുടുംബത്തിലെ അംഗമായിരുന്നു ഡോ. മിനി വെട്ടിക്കൽ. കുന്നത്ത് കെ വി പൗലോസിന്റെയും പരേതയായ ഏലിയാമ്മയുടെയും മകളാണ്. അമേരിക്കയിലായിരുന്നു മെഡിസിൻ പഠനം അടക്കം നടന്ന്. ഏറെക്കാലമായി കുടുംബത്തോടൊപ്പം ഹൂസ്റ്റണിലാണ് മിനി വെട്ടിക്കൽ കഴിയുന്നത്. മൂന്ന് പതിറ്റാണ്ടായി അവിടെ ജോലിയിൽ പ്രവേശിച്ചിട്ട്.

ടെക്‌സാസ് ഹെൽത്ത് സയൻസ് സെന്ററിൽ നിന്നായിരുന്നു മെഡിക്കൽ പഠനം പൂർത്തിയാക്കിയത്. ഇപ്പോൾ ബേയർ കോളേജ് ഓഫ് മെഡിസിനിൽ ഇന്റേണൽ മെഡിസിൻ സ്‌പെഷ്യലിസ്റ്റായി ജോലി ചെയ്തു വരികയായിരുന്നു. ഡോക്ടർ ഓടിച്ച കാറും ബൈക്കും കൂട്ടിയിച്ചുണ്ടായ അപകടത്തിലാണ് ജീവൻ നഷ്ടമായത്. ഡിസംബർ ഒമ്പതാം തീയ്യതി വൈകിട്ട് നാല് മണിയോടെ സ്‌കോട്ട് സ്ട്രീറ്റിലാണ് സംഭവം. സംഭവ സ്ഥലത്ത് വച്ച് തന്നെ ഡോ. മിനി മേരി വെട്ടിക്കലിന് ജീവൻ നഷ്ടമായി.

മൃതദേഹം ഞായർ 2 മുതൽ 5 വരെ ജസെക് ചാപ്പലിലും ബറിങ് ഡ്രൈവ് ജിയോ ലൂയിസ് ആൻഡ് സൺസ് ഗ്രാൻഡ് ഫൊയറിലുമായി പൊതുദർശനത്തിന് വയ്ക്കും. സംസ്കാരം തിങ്കളാഴ്ച ഹൂസ്റ്റണിലെ സെയ്ന്റ് ആൻ കത്തോലിക്ക പള്ളി സെമിത്തേരിയിൽ നടക്കും. ബൈക്കോടിച്ചിരുന്ന യുവാവും അപകടത്തിൽ മരിച്ചു. 25 കാരനായ ബൈക്ക് യാത്രികൻ ആശുപത്രിയിലാണ് മരിച്ചത്.

കുന്നത്ത് കെ.വി. പൗലോസിന്റെയും പരേതയായ ഏലിയാമ്മയുടെയും മകളാണ് മരണപ്പെട്ട മിനി. ഈരാറ്റുപേട്ട അരുവിത്തുറ വെട്ടിക്കൽ കുടുംബാംഗം സെലസ്റ്റിൻ ആണ് ഭർത്താവ്: ഐ.ടി. എൻജിനീയർ ആണ് . . മക്കൾ: പൂജ, ഇഷ, ദിയ, ഡിലൻ, ഏയ്ഡൻ. സംസ്‌കാരം തിങ്കളാഴ്ച ഹൂസ്റ്റണിലെ സെയ്ന്റ് ആൻ കത്തോലിക്ക പള്ളി സെമിത്തേരിയിൽ. ഇൻസ്റ്റാഗ്രാം ഫേസ്ബുക് എന്നീ സോഷ്യൽ മീഡിയകളിൽ സജീവയായിരുന്നു മിനി . ഡാൻസറായ മിനിയുടെ നിരവധി ഫോട്ടോകൾ ഫേസ്‌ബുക്കിൽ ഉണ്ട്