ബഹ്‌റൈ ദേശീയ ദിനത്തോട് അനുബന്ധിച്ചുള്ള അവധി ദിനങ്ങള്‍ പ്രഖ്യാപിച്ചു. അമ്പത്തിയൊന്നാമത് ദേശീയ ദിനത്തിന്റെ ഭാ​ഗമായി ഡിസംബര്‍ 16, 17 തീയതികളിലാണ് അവധി പ്രഖ്യാപിച്ചിരിക്കുന്നത്. 16, 17 തീയതികള്‍ പൊതു അവധി ദിനങ്ങളായതിനാല്‍ അതിന് പകരമായി 18, 19 തീയതികളില്‍ അവധി നല്‍കുമെന്ന് അധികൃതര്‍ അറിയിച്ചു.

മന്ത്രാലയങ്ങള്‍ക്കും സര്‍ക്കാര്‍- പൊതു സ്ഥാപനങ്ങള്‍ക്കും അവധിയായിരിക്കും. ദേശീയ ദിനത്തെ വരവേല്‍ക്കാനെത്തുന്ന തയ്യാറെടുപ്പുകളുടെ അന്തിമഘട്ടത്തിലാണ് ബഹ്‌റൈന്‍. അലങ്കാരങ്ങളിലും വര്‍ണച്ചമയങ്ങളിലും ബഹ്‌റൈന്‍ അണിഞ്ഞൊരുങ്ങിക്കഴിഞ്ഞു. തെരുവോരങ്ങള്‍ വര്‍ണാഭമായ ചമയങ്ങള്‍ കൊണ്ട് അലങ്കരിച്ചിരിക്കുകയാണ്.

ദേശീയ ദിനാഘോഷങ്ങളുടെ ഭാഗമായി റോഡ് സുരക്ഷയുമായി ബന്ധപ്പെട്ട് എല്ലാ മുന്നൊരുക്കങ്ങളും ക്രമീരണങ്ങളും നടത്തി വരികയാണെന്ന് ട്രാഫിക് ഡയറക്ടര്‍ ജനറല്‍ ബ്രിഗേഡിയര്‍ ഷെയ്ഖ് അബ്ദുള്‍ റഹ്മാന്‍ ബിന്‍ അബ്ദുല്‍ വഹാബ് അല്‍ ഖലീഫ പറഞ്ഞു.