ഷാർജയിൽ പർവതാരോഹണത്തിനിടെ തെന്നിവീണ് മലയാളി മരിച്ചു. ആലപ്പുഴ സ്വദേശി ബിനോയിയാണ് (51) മരിച്ചത്. അബൂദബി അൽഹിലാൽ ബാങ്കിലെ ഐടി വിഭാഗം ജീവനക്കാരനാണ്. ഷാർജ മലീഹയിലെ ഫോസിൽ റോക്കിലാണ് അപകടം. സുഹൃത്തുക്കൾക്കൊപ്പം ഹൈക്കിങ് നടത്തവെ തെന്നിവീഴുകയായിരുന്നു. 

മൃതദേഹം ദൈദ് ആശുപത്രിയിൽ സൂക്ഷിച്ചിരിക്കുന്നത്. ഐടി രംഗത്തെ മികവിനു ബിനോയിക്കു യുഎഇ ഗോൾഡൻ വീസ നൽകിയിരുന്നു. ഭാര്യ മേഘ, ദുബായ് അൽഖൂസിലെ അവർ ഓൺ ഇന്ത്യൻ സ്കൂളിൽ അധ്യാപികയാണ്. മക്കൾ: ഡാനിയേൽ, ഡേവിഡ്.