യു.എ.ഇയിൽ പല പ്രദേശങ്ങളിലും മഴക്ക് സാധ്യത...! വരും ദിവസങ്ങളിൽ അസ്ഥിര കാലാവസ്ഥ തുടരും
![](https://www.malayalivartha.com/assets/coverphotos/w657/281649_1678618457.jpg)
യു.എ.ഇയിൽ വരും ദിവസങ്ങളിൽ അസ്ഥിര കാലാവസ്ഥ ഉണ്ടാകാൻ സാധ്യത. നാളെയും ചെവ്വാഴ്ചയും അസ്ഥിര കാലാവസ്ഥ തുടരാനാണ് സാധ്യത. പല പ്രദേശങ്ങളിലും ഇന്ന് മഴക്ക് സാധ്യതയുള്ളതായി ഉന്നത കാലാവസ്ഥാ വിദഗ്ധ അറിയിച്ചു. പ്രാദേശിക മാധ്യമത്തിന് നൽകിയ അഭിമുഖത്തിനിടെ നാഷണൽ സെന്റർ മെറ്റീരിയോളജിയിലെ (എൻസിഎം) ഉദ്യോഗസ്ഥ സക്കീന അൽബ്ലൂഷി ഇക്കാര്യം അറിയിച്ചത്.
രാജ്യത്തിന്റെ പല ഭാഗങ്ങളിലും വരും ദിവസങ്ങളിൽ അസ്ഥിര കാലാവസ്ഥ പ്രതീക്ഷിക്കുന്നതായും അവർ പറഞ്ഞു. അൽ ഐൻ, ഫുജൈറ, റാസൽ ഖൈമ മേഖലകളിലും മറ്റു ചില പരിസര പ്രദേശങ്ങളിലുമാണ് മഴ ലഭിക്കുക. ഈ മാസം 15 ബുധനാഴ്ച വരെ രാജ്യത്തിന്റെ വിവിധ ഭാഗങ്ങളിൽ മേഘാവൃതമായ കാലാവസ്ഥയാണ് പ്രതീക്ഷിക്കുന്നത്. എന്നാൽ ബുധനാഴ്ചയോടെ അന്തരീക്ഷം സ്ഥിരത കൈവരിക്കും.
അതുപോലെ സൗദി അറേബ്യയിൽ വിവിധ ഭാഗങ്ങളില് കാലാവസ്ഥ പ്രതികൂലമാകുമെന്ന് ദേശീയ കാലാവസ്ഥാ നിരീക്ഷണ കേന്ദ്രം. മുന്നറിയിപ്പ് പുറത്തുവന്നതോടെ രാജ്യത്തെ സ്കൂളുകള്ക്ക് അവധി പ്രഖ്യാപിച്ചു. മക്ക, അല്ബാഹ, ജിദ്ദ, റാബിഗ്, ഖുലൈസ്, തായിഫ്, അല് നമാസ്, മഹ്ദുദഹബ്, ഖുന്ഫുദ, ഹായില് എന്നിവിടങ്ങിലാണ് ഞായറാഴ്ച അവധി പ്രഖ്യാപിച്ചത്.
കാലാവസ്ഥ മോശമാകാന് സാധ്യതയുണ്ടെന്ന് സൗദി ദേശീയ കാലാവസ്ഥാ നിരീക്ഷണ കേന്ദ്രത്തില് നിന്നുള്ള അറിയിപ്പ് ലഭിച്ചതിനെ തുടര്ന്നാണ് നടപടി. അധ്യാപകര്ക്കും അനദ്ധ്യാപകര്ക്കും അവധി ആയിരിക്കുമെന്നും അതേസമയം തന്നെ വിദൂര രീതിയില് പഠനം നടക്കുമെന്നും സ്കൂള് അധികൃതര് അറിയിച്ചു.
നാഷനൽ സെന്റർ ഓഫ് മെറ്റീരിയോളജി നേരത്തെ പുറത്തുവിട്ട മുന്നറിയിപ്പിൽ 11ാം തീയതി വരെ സൗദി അറേബ്യയിലെ മിക്ക പ്രദേശങ്ങളിലും കാലാവസ്ഥാ വ്യതിയാനങ്ങളുണ്ടാകുമെന്ന് പ്രവച്ചിരുന്നു.
https://www.facebook.com/Malayalivartha